Lifestyle Portal
  •   २ कार्तिक २०७८, मंगलवार

भोलीको फाइनल कस्तो हुँदैछ ?

२७ मंसिर २०७५, बिहीबार १४:२०

द भ्वाइस अफ नेपाल आफ्ना सम्पूर्ण दलबलका साथ नेपालबाट कतार उडेको छ । प्रत्यक्ष प्रसारणका लागि सम्पूर्ण प्राविधिक तयारी भइसकेको अनि साथै कोचहरु बस्ने रातो कुर्सी पनि सेट गरिसकेको जनाइएको छ । भोली शुक्रबार नेपाली समय अनुसार बेलुकी १० बजेपछि द भ्वाइसको फाइनल सस्करण नेपालमा प्रत्यक्ष देख्न सकिनेछ । ७९ वटा देशवाट गैर आवासीय नेपालीका प्रतिनिधीहरु कतार पुगिसकेका छन् । लगभल १६० भन्दा धेरै कतारी प्रहरीहरु अनि ३ सय सुरक्षागार्डहरुको सुरक्षाघेरा भित्र संगितको यो महोत्सव कतारको दोहा को एसियन टाउन ग्राण्ड मल सनैयामा हुन गइरहेको छ ।
डिसेम्बर १४ तारिख शुक्रबार सनैयाको यो एसियन टाउन मलमा नेपालीहरुको मेला लाग्ने पक्का छ । दर्शकहरुको सहजताका लागि आयोजक ले दर्जन बढि टिकट काउण्टरहरु अनि खानेकुराका स्टलहरुको पनि राखेको छ । संभवत नेपाल बाहिरको सर्वाधिक नेपाली उपस्थिती हुने कमै कार्यक्रमहरुमा भोलीको द भ्वाइसको फाइनल पनि पर्ने छ ।कार्यक्रमको सुरक्षामा कुनै पनि संझौता नहोस भन्नका लागि कार्यक्रम स्थलको सय मिटर वरपर सम्म पनि बिशेष सुरक्षा ब्यवस्था गरेको बताइएको छ । फाइनलकै दिनमा टिकट काटेर हेर्न जाने दर्शकहरुलाई सहजताका लागि प्रशस्त टिकट काउण्टर राखेको द भ्वाइसका निर्देशक लक्ष्मण पौडेलले बताए ।

यस ग्राण्ड फिनालेमा ४ जना कोचहरु लगायत उत्कृष्ट ८ आवाजहरु साथमा तेजेन्द्र गन्धर्व लगायत केही सरप्राइज आवाजहरुका र धुर्मुस सुन्तली अनि केही अन्य कलाकार र बिशेष अनुहारहरु देख्न सकिनेछ । साथै आयोजकले एकदिन अगावै टिकट किन्न चाहनेका लागि १० प्रतिशत टिकट रकममा छुट पनि ब्यस्था गरेको जनाएको छ । द भ्वाइस अफ नेपाल बिश्वभरिमा प्रचलित एउटा गायन रियालीटी शो हो र यो नेपालका लागि प्रथम सस्करण हो ।

यसै गरि द भ्वाइसले हिजो आफ्नो फेसबुकमा कतार बाट आफ्ना ४ जना फाइनलीष्टका साथमा लाइभ भिडियो प्रसारण गरेको थियो । प्रस्तोता सुशील नेपाल आँफै ४ जना ट्यालेन्टसंग तयारीका बिषयमा कुरा गर्दै थिए । को बन्छ त नेपालको पहिलो द भ्वाइस अफ नेपाल भन्ने बिषयमा ट्यालेन्टहरु संग कुराकानी भएको थियो । सबैजना आआफ्ना हिसाबले तयार भएका अनि नेपालको प्रथम द भ्वाइस नेपाल बन्न मेहनत अनि लगनका साथले लागि परेको बताएका थिए । भोट गर्ने क्रम पनि चलिरहेको छ । अब भोलीको फाइनल कार्यक्रमले नेपाललाई प्रथम द भ्वाइस अफ नेपाल दिलाउने छ ।
४ जनै आवाजलाई शुभकामना ।

प्रतिक्रिया दिनुहोस !
Loading comments...
सम्बन्धित खबरहरु

लण्डन । द कँडेल ग्रुपको लण्डनस्थित रहेको उलविच लेट नाइट फार्मेसीले “युके इण्डिपेन्डेन्ट फार्मेसी अवार्ड २०२१” जित्न सफल भएको छ

‘सम्पर्क भारत नेपाल’ले काशी-प्रवासमा रहेका नेपालीहरूको सम्झनामा केन्द्रित “काशीको सम्झना” नामक पहिलो कार्यक्रम १९ असोज , २०७८ वि.सं. (५ अक्टोबर

काठमाण्डौ । गैरआवासीय नेपाली संघ (एनआरएन) को आगामी १०औं महाधिवेशनको सन्दर्भमा भएको धाँधलीको संस्थापन पक्षले सुनुवाइ नगर्दा बाध्य भएर परराष्ट्र

लण्डन । गैरआवासीय नेपाली संघ एनआरएनएको निर्वाचन २० अक्टोबरमा हुने भएको छ । संघको निर्वाचन समितिले शुक्रबार एक विज्ञप्ति जारी