रामकुमारी झाँक्रीको व्यङ्ग्य- प्रजातन्त्रको जग बसाउन राजनीतिक अपराध

काठमाडौं । विभाजित नेकपाको प्रचण्ड-नेपाल समूहको केन्द्रीय सदस्य रामकुमारी झाँक्रीले प्रधानमन्त्री केपी शर्मा ओलीको कदमप्रति रोष प्रकट गरेकी छिन् ।

उनले शुक्रबार फेसबुकमार्फत प्रजातन्त्रको जग बसाउन जनताको जनादेशलाई कुल्चदै संसद विघटनजस्तो राजनीतिक रूपमा अपराधिक काम गर्नुपरेको रहेछ भन्दै कटाक्ष गरेकी छिन् ।

“प्रजातन्त्रको जग बसाउन, जनताको जनादेशलाई कुल्चँदै संसद् विघटनजस्तो राजनीतिक रूपमा अपराधिक र कानुनी रूपमा असंवैधानिक काम गर्नुपर्ने रहेछ होइन ?’’ उनको प्रश्न छ ।

ओली समूहले लोकतन्त्र बचाउन संसद् विघटन गरेको दाबी गर्दै आएको छ । उनले पहिले पनि संविधानअनुसार अर्को सरकार बन्ने व्यवस्था छैन भनेर एकपटक प्रधानमन्‍त्री भएपछि बाँचुन्जेल खाने दाबी सुनिएकै हो भन्दै व्यङ्ग्यसमेत गरेकी छिन् ।

उनेले भनेकी छन्, “पहिले पनि यो संविधानअनुसार अर्को सरकार बन्ने व्यवस्था छैन भनेर एकपटक प्रधानमन्‍त्री भएपछि बाँचुन्जेल खाने दाबी सुनिएकै हो । तर बहुमतवालाले अर्को सरकार बनायो ।’’