Lifestyle Portal
  •   १८ माघ २०७९, बुधबार

कोमल ओलीको प्रश्न : जनतामा जाने कुरा कसरी अधिनायकवाद भयो ?

२५ पुष २०७७, शनिबार ००:२५

लोकप्रिय

काठमाडौं । राष्ट्रियसभा सदस्य कोमल ओलीले प्रतिनिधिसभा विघटन गर्दै दुई चरणमा भएको निर्वाचन घोषणाको बचाउ गरेकी छन् ।

राष्ट्रियसभामा शुक्रबार बोल्दै सांसद् ओलीले जनतामा जान्छु भन्नु कसरी अधिनायकवाद र तानाशाही भयो ? भन्दै प्रश्न गरेकी थिइन् । जनताको परीक्षणमा जाने कुरा कसरी तानाशाही र अधिनायकवादी भयो ? भन्दै उनले चुनावमा जान डराउनेहरुको मनमा अधिनायकवाद रहेको बताइन् । प्रतिनिधिसभा विघटन गर्दै राष्ट्रपतिले आउँदो वैशाख १७ र २७ गते निर्वाचनको मिति घोषणा गरेपछि प्रतिपक्षी दल र सत्तारुढ दल नेकपाकै सांसद्हरुसमेत सो घोषणाको विपक्षमा छन् । प्रतिनिधिसभा विघटन असंवैधानिक भएको, प्रधानमन्त्री तानाशाही बनेको आरोप राष्ट्रियसभामा प्रतिपक्षी दलका सांसद्हरुले लगाएका थिए ।

“जनतामा जाने कुरा कसरी तानाशाही भयो ? कसरी अधिनायकवाद भयो ?,” त्यसतर्फ लक्षित गर्दै ओलीले भनिन्, “अधिनायकवादीहरु जनतासँग जान्छन् कि बन्दुकसँग जान्छन् ? अधिनायकवाद भएको देशमा व्यक्तिहरु जेलबाहिर हुन्छन् कि जेलभित्र ?” उनले प्रधानमन्त्री केपी शर्मा ओलीको बचाउ गर्दै नेतृत्व युवामा जानुपर्छ भन्ने व्यक्ति महत्वाकांक्षी हुन नसक्ने पनि बताइन् ।

त्यस्तै, उनले सरकार, संसद् र अदालत, निर्वाचनमाथि धेरै शंका भइरहेकोमा पनि आपत्ति जनाइन् । “अहिले प्रधानमन्त्रीले गरेको प्रतिनिधिसभा विघटन असंवैधानिक भन्ने कसैलाई लाग्छ भने त्यसको व्याख्या गर्ने अधिकार अदालतलाई रहेको र अदालतले जे गर्छ, हामी सबैले स्वीकार्नुपर्छ,” उनले भनिन् ।

प्रतिक्रिया दिनुहोस !
सम्बन्धित खबरहरु

काठमाडौँ, १९ पुस :  काठमाडौँ महानगरपालिकाको पुरानो बसपार्कमा निर्माणाधीन काठमाडौँ भ्यूटावर अर्काे वर्ष सञ्चालनमा आउने भएको छ । जलेश्वर स्वच्छन्द

एजेन्सी न्युयोर्क, १९ पुस अमेरिकी अन्तरिक्ष निकाय नासाले भर्खरै नयाँ कक्ष सुरु गर्दा सूर्यको अनौठो र सुन्दर तस्बिर सेयर गरेको

एजेन्सी सेनेगल, १९ पुस सेनेगलका दुई विपक्षी सांसदलाई बजेटको बहसका क्रममा गर्भवती सांसदलाई  पेटमा लात हानेको अभियोगमा ६ महिनाको जेल

कैलालीको भजनीका करन विकका छोरा कक्षा ९ मा पढ्नुहुन्छ । उहाँका छोरा आजभोलि किताबभन्दा बढी समय मोबाइलमा भुल्न थालेपछि करनलाई