नवलपुर। नेपाली कांग्रेसका महामन्त्री डा. शशांक कोइरालाले प्रधानमन्त्री केपी ओलीले निर्वाचन गराउनेमा आफूलाई विश्वास नलागेको बताएका छन् ।

नेकपा दुई चिरामा परेको निर्वाचन आयोगबाट वैधानिकता अझै नपाएको भन्दै महामन्त्री डा. कोइरालाले ओलीले निर्वाचन नगर्ने दाबी गरे ।नेपाली कांग्रेस देवचुली नगरपालिकाको आयोजनामा शनिवार दुम्कौलीस्थित सिजी गेटमा आयोजित विरोध कार्यक्रममा बोल्दै कांग्रेस कोइरालाले संविधानलाई सहि बाटोमा ल्याउन पनि प्रतिनिधिसभा पुनस्र्थापना हुनुपर्नेमा जोड दिए ।

‘प्रतिनिधिसभा विघटन गरेर प्रधानमन्त्री ओलीले संविधान नै च्यातेका छन्’, उनले भने, ‘संविधानको रक्षा गर्न पनि काङ्ग्रेस सडकमा आउनु परेको छ ।’

सत्तरी वर्षको संघर्षपछि बनेको संविधानलाई ओलीले च्यातेको उनले आरोप लगाए ।