Lifestyle Portal
  •   ३१ श्रावण २०७९, मंगलवार

चीनमा कोरोना संक्रमण तीव्ररुपमा बढ्न थालेपछि ११ सहरमा फेरि लकडाउन घोषणा

५ माघ २०७७, सोमबार १९:४३

बेइजिङ । सन् २०१९ को सुरुवातमा फेला परेको कोरोना भाइरसको संक्रमण फेरि तीव्ररुपमा फैलिन थालेपछि चीनमा तीनवटा प्रान्तका ११ सहरहरुमा लकडाउन घोषणा गरिएको छ ।

कोरोना संक्रमणको तीव्रतालाई रोक्‍न बृहत परीक्षण अभियान सञ्‍चालन गरिएको छ । चिनियाँ अधिकारीहरुले बृहत परीक्षण अभियान थालेसँगै आवतजावतमा प्रतिबन्ध लगाउनुका साथै मानिसहरुलाई घरबाहिर ननिस्किन निर्देशन जारी गरेका छन् । प्रतिबन्धात्मक नियमहरु लकडाउनकै जारी गरे पनि यसलाई लकडाउन भन्‍ने शब्द भने प्रयोग गरेका छैनन् ।

स्थानीय अधिकारीले जारी गरेको निर्देशनमा लकडाउन भन्‍ने शब्द भने प्रयोग गरिएको छैन । चीनको उत्तरपूर्वी राज्य हेइलोङजियाङ प्रान्तका पाँच क्षेत्रहरु झाओदोङ, किङगाङ, सुइहुवा, अगाङ्‌सीको सीसीहार र हुलान जिल्लाको हार्बिनमा प्रतिबन्धात्मक नियमहरु जारी गरिएको छ । स्थानीयहरुलाई घरबाहिर निस्किन प्रतिबन्ध लगाउनुका साथै सवारीसाधन सञ्‍चालनमा रोक लगाइएको छ । त्यसैगरी सीमा प्रवेशमार्ग बन्द गरिएका छन् ।

पछिल्लो समय कोरोना प्रकोपले अधिक प्रभावित भएको चीनको जिलिन प्रान्त हो । जिलिनमा सोमबार ३४ जना लक्षणसहितका कोरोना संक्रमित र ८० जना लक्षण नभएका कोरोना संक्रमित फेला परेका छन् ।

त्यसैगरी हुबेइ प्रान्तका लोङयाओ, गुआन, नाङगोङ र सिजिहुआङ सहर सिल गरिएका छन् । हुबेइका स्वास्थय अधिकारीहरुका अनुसार सोमबार ५४ जनाका कोरोना संक्रमण देखिएको छ । अन्य ६ जनामा लक्षण नभएको कोरोना संक्रमण पुष्टि भएको छ ।  – ग्लोबल टाइम्स

प्रतिक्रिया दिनुहोस !
सम्बन्धित खबरहरु

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

राष्ट्रपतिले नागरिकता विधेयक संसद्‌मा फिर्ता पठाउनुभएको छ । नागरिकता विधेयक फिर्ता पठाएपछि अब नागरिकता विधेयक को योजना कस्तो हुन्छ र

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।