Lifestyle Portal
  •   २४ श्रावण २०७९, मंगलवार

नोभल कोरोनाभाइरस विरुद्धको खोप ‘कोभिसिल्ड’ आइपुग्यो नेपाल: ‘सबैभन्दा पहिले छिमेकी’ नीतिमा भारत स्पष्ट

८ माघ २०७७, बिहीबार १६:५९

काठमाण्डौ । भारत सरकारले अनुदानमा पठाएको नोभल कोरोनाभाइरस विरुद्धको दश (दश) लाख भ्याक्सिनको डोज ‘कोभिसिल्ड’ खोप काठमाण्डौमा आइपुगेको छ । उक्त खोप भारत मैं उत्पादन भएको हो ।

एयर इण्डियाको VT-PPV एयरबस A321 को जहाज बिहान ११:५३ मा काठमाण्डौ अवतरण गरेको थियो । कोरोनाभाइरस विरुदको खोप अनुगमन तथा व्यवस्थापनका लागि स्वास्थ्यमन्त्री हृदयेश त्रिपाठी तथा नेपालका लागि भारतीय राजदूत विनयमोहन क्वात्रा त्रिभूवन अन्तर्राष्ट्रिय विमानस्थलमा पुग्नुभएको थियो ।

भारतद्वारा प्राप्त उक्त महत्वपूर्ण खोपलाई त्रिभूवन विमानस्थलको कार्गो भवनमा रहेको चिस्यान केन्द्रमा राखेर केही समयपश्तात टेकुस्थित केन्द्रीय भ्याक्सिन स्टोरमा व्यवस्थापन गरिनेछ । उक्त खोपलाई २ देखि ८ डिग्री सेल्सियसको तापक्रममा राखिने तथा बढीमा पाँच दिनभित्र विभिन्न सात प्रदेशका भ्याक्सिन आपूर्तीकेन्द्रमा पठाइने स्वास्थ्य सेवा विभाग, खोप शाखाले जानकारी दिएको छ ।

खोप शाखा प्रमुख एवं खोपविज्ञ डाक्टर झलक शर्मा गौतमका अनुसार ‘कोभिसिल्ड’ लाई राजधानी उपत्यकासहित विराटनगर, हेटौडा, पोखरा, बुटवल, नेपालगञ्ज तथा धनगढीमा रहेका कोल्डस्टोरहरुमा राखिने तयारी गरेको छ । तिनै कोल्डस्टोरमा पुगेका खोपका डोजहरु जिल्ला-जिल्लामा पठाइने तयारी भएको छ ।

भारतको पुणेस्थित सिरम इन्स्टिच्युट अफ इन्डियाद्वारा उत्पादित ‘कोभिसिल्ड’ खोप भारत सरकारले नेपाललाई अनुदानमा दिएको हो । उक्त खोपको प्रभावकारिता औसतमा ७०.४ प्रतिशत रहेको पाइएको छ । खोप लगाउनका लागि स्वास्थ्यकर्मीलाई आवश्यक तालिम दिइसकिएको पनि गौतमले जानकारी दिनुभयो ।

स्वास्थ्य मन्त्रालयले भने खोप जिल्ला पुगेपछि एक हप्ताभित्र लगाइसक्ने गरी तयारी गरिएको जनाएको छ । मन्त्रालयका सहप्रवक्ता डा. समीरकुमार अधिकारीका अनुसार ७७ जिल्लामै एकैसाथ खोप अभियान सुरु हुनेछ । सुरूमा यो खोप स्वास्थ्यकर्मी, शव व्यवस्थापन गर्ने व्यक्तिहरु, एम्बुलेन्स चालक, महिला स्वास्थ्य स्वयंसेविका तथा स्थानीय निकायबाट खटाइएका सर-सफाइकर्मीलाई लगाइनेछ ।

यस्तो संख्या करिव ४ लाख हाराहारी रहेको सरकारी तथ्यांक छ । अनुदानमा आएको यो खोपको प्रभावकारितालाई विचार गर्दै सरकारले बाँकी खोप खरिद गर्ने जनाइ सकेको छ । नेपालका २ करोड १६ लाख जनतालाई खोप लगाउने सरकारी योजना पूरा हुन ५ करोड डोज खोप चाहिने विशेषज्ञहरू बताउँछन् ।

प्रतिक्रिया दिनुहोस !
सम्बन्धित खबरहरु

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।

बलिउड सिनेमाका ५ तारे समिक्षक तरन आदर्शले आफ्नो आधिकारीक फेसबुक अकाउन्टबाट यहि साता एउटा पोष्ट सार्वजनिक गरे जुन पोष्टमा नवपुस्ताका

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय