Lifestyle Portal
  •   २८ श्रावण २०७९, शनिबार

चीनमा सुरुङभित्र फसेका कामदारको उद्धार गर्न अझै दुई हप्ता लाग्ने

१० माघ २०७७, शनिबार ०६:५६

बीबीसी । चिनियाँ उद्धार टोलीले जमिनमुनि सयौँ मिटर तलको सुरुङमा फसेका कामदारहरुलाई बाहिर निकाल्न अझै दुई हप्ता लाग्न सक्ने बताएको छ ।

चीनको सानदोङ प्रान्तस्थित सुन खानीमा १० जनवरीमा एक ठूलो विस्फोटपछि प्रवेशद्वार बन्द भएको थियो । जसमा सरकारी निकायले एक हप्तापछि मात्र भित्र फसेका ११ कामदारहरुसँग सम्पर्क गर्न सकेको थियो । यसबीच एकजनाको मृत्यु भइकेको बताइएको छ ।उद्धारकर्मीहरुले भित्र बाँचेका कामदारहरुलाई ड्रिल गरी ससाना प्वालबाट खाना र औषधिहरु दिइरहेका छन् । विस्फोटको कारण भने अझै खुलेको छैन । भित्र फसेका समूहसँग कुरा गर्दा उनीहरुले आफूभन्दा तल फसेका एकजना कामदारसँग पनि सम्पर्क गर्दै आएको तर अहिले भने केही खबर नभएको बताएका हुन् । कामदारहरु सतहभन्दा धेरै तल फसेको हुनाले पनि निकाल्नमा कठिनाइ भइरहेको बताइएको छ । यससँगै अर्को समस्या भनेको उनीहरु फसेको ठाउँमा पानीको बहाव रोकिए डुब्ने जोखिम पनि रहेको छ ।

यिनै विभिन्न अवरोधका कारण सबैलाई सकुसल बाहिर निकाल्न कम्तीमा पनि अर्को १५ दिन लाग्ने लोकल पब्लिसिटी विभागका प्रमुख गोङ हैताओले बताए । विस्फोटको एक हप्तासम्म मानिसहरु जीवित हुनसक्ने कुनै संकेत थिएन । तर, गएको आइतबार उद्धारकर्मीहरुले तल झारिएको डोरीमध्ये एउटालाई कसैले तानिरहेको महसुस गरेका थिए । त्यसपछि भित्र फसेका कामदारहरुले एउटा पेपेर नोट पठाउँदै १२ जना त्यहाँभित्र फसेको जानकारी दिएका हुन् । उनीहरुमध्ये एकजना अझ तल फसेको पनि यसपछि पत्ता लागेको हो । ११ मध्ये पनि एकजनाको टाउकोमा चोट लाग्दा उनी कोमामा पुगेका थिए । जसलाई बिहीबार मृत घोषित गरिएको छ ।

चीनमा खानी दुर्घटना असामान्य मानिँदैन । गत वर्षको डिसेम्बरमा पनि चीनमा कार्बन मोनोअक्साइड लिक भएपछि कोइला खानीका २३ कामदारको मृत्यु भएको थियो । कार्बन मोनोअक्साइडकै कारण सेप्टेम्बरमा अर्का १६ खानी कामदारहरुको पनि मृत्यु भएको हो ।

प्रतिक्रिया दिनुहोस !
सम्बन्धित खबरहरु

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।

बलिउड सिनेमाका ५ तारे समिक्षक तरन आदर्शले आफ्नो आधिकारीक फेसबुक अकाउन्टबाट यहि साता एउटा पोष्ट सार्वजनिक गरे जुन पोष्टमा नवपुस्ताका

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा