Lifestyle Portal
  •   २० फाल्गुन २०७७, बिहीबार

फाइभजीः गेमिङ अनुभवमा क्रान्तिकारी परिवर्तन ल्याउने समय

१५ माघ २०७७, बिहीबार ०७:२७

साईबरपंक २०७७ सार्वजनिकले हामी माझ टाढाको भविष्यको झल्को प्रस्तुत गरेको छ । तर, गेमिङमा क्रान्तिकारी परिवर्तन आउने संकेतका साथै सो समय टाढा नभएको कुरापनि फाइभजीले संकेत गरिरहेको छ । फाइभजी-ईन्हेन्स्ड क्लाउड गेमिङले नयाँ गेमिङ कन्सोल्स वा हाई-एण्ड ग्राफिक्स कार्ड्स किन्नुपर्ने झञ्झटबाट मुक्तिदिनुका साथै, सहजै ईन्टरनेटमा कनेक्टेड भई जहाँसुकै जुनसुकै समयमा गेमिङको मज्जा लिन सक्ने सुविधा उपलब्ध गराउने छ ।

फाइभजी र क्लाउड गेमिङ
के हो त क्लाउड गेमिङ? क्लाउड गेमिङले क्लाउडको उर्जा मार्फत गेम सिन रेन्डर गरी हाम्रा उपकरणमा सहजै स्ट्रिम गर्ने कार्य गर्छ । यसले गर्दा विभिन्न गेमिङ प्ल्याटफर्मको छनोट गर्ने तथा महंगा कन्सोल्स किन्ने, अल्झिने तारहरुको झञ्झट तथा गेम डाउनलोड वा अपडेट हुँदा कुर्नुपर्ने समय लगायत झञ्झटबाट समेत छुटकारा दिन्छ ।

लो लेटेन्सी फाइभजीले क्लाउड गेमिङमा तिब्रता प्रदान गर्नुका साथै सुरक्षित प्रतिक्रिया दिन्छ । लो लेटेन्सी नै त्यो प्रमुख फिचर हो, जसले फाइभजीलाई पछिल्ला पुस्ताका सेल्यूलर नेटवर्क भन्दा सबल तुल्याउँछ । तर, लो लेटेन्सी र उच्च गति एउटै भने होइन । लो लेटेन्सीको अर्थ अनुरोध र प्रतिक्रिया विच लाग्ने न्यूनतम समय हो ।

अधिकांश अत्याधुनिक गेममा हल्का ल्यागले पनि भर्चुअल जीवन र मृत्यूको निक्र्यौल गर्छ । भाग्यवस, फाइभजीले लेटेन्सीलाई १०एमएस सम्म घटाउने क्षमता राख्छ । अहिले यस क्षेत्रमा देखा परिरहेका नवप्रबर्तनको गति नियाल्दा भविष्यमा लेटेन्सी १एमएस सम्म नझर्ला भन्दा दुई मत नहोला ।

फाइभजीको साथमा गेमिङ गर्दा प्रतिक्रियाका लागि लाग्ने समयमा आउने न्यूनिकरणले वास्तवमै आफ्नै साथीहरु माझ बसेर गेमिङको पूर्ण मज्जा लिएको अनुभुति हुन्छ । डाटा ट्रान्समिशन समयमा ध्यानै नजाने हुँदा अल्ट्रा स्मूथ गेमप्लेको कार्य सम्पादन कुनै गेमिङ कन्सोल भन्दा फरक छैन । एमडब्ल्यूसी २०१९मा सहभागीले ओपोको पहिलो फाइभजी फोन रेनो फाइभजीमा फाइभजी क्लाउड गेमिङको अनुभव लिने अवसर पाएका थिए । हतियारमा आधारित कम्ब्याट गेम सोलक्यालिबर ६ स्ट्राइक्स र काउण्टरएट्याक लगायत समयमा पनि विना कुनै रुकावट तथा ढिलाई मज्जाले चलेको थियो ।

साथीहरुका साथमा फाइभजी-सपोर्टेड गेमिङको मज्जा
यो क्लाउड गेमिङका बारेमा मात्र होइन । ठूला हाइ-रिसोल्यूशन स्क्रिनदेखि स्मार्टफोन गेम्स अन द गो सम्म, हामी सबैजना खेल्नाका लागि ईन्टरनेटमा भर पर्छौँ । गेमिङको उत्कृष्ट पक्ष भन्नुनै यसले प्रदान गर्ने सबैजना एकै साथ खेल्ने अवसर हो । हामी संसारको जुनसुकै कुनामा भएतापनि हामी आफ्नो भर्चुअल विश्व सेयर गरिरहेका हुन्छौँ ।

फाइभजीको कुरा गर्दा उच्च ब्याण्डविथ र लो-लेटेन्सीका साथै यसले अल्झिने तारको झञ्झटबाट छुटकारा दिन्छ । ओपो स्मार्टफोन, ट्याब्लेट वा अन्य उपकरणको प्रयोग गरी सिधै आफ्ना साथीहरु संग गेमिङमा जोडिन सक्नु हुन्छ ।

एआर/भीआर (AR/VR) का साथमा नवप्रबर्तनात्मक गेमिङ अनुभव
एआर र भीआर पनि गेमिङ अनुभवका भूल्नै नसकिने पाटा हुन् । क्लाउड गेमिङमा झैँ एआर/भीआरका लागि आवश्यक सबै गणना क्लाउडमै गर्न सकिन्छ । त्योपनि गेमप्लेकै दौरान डाटा ट्रान्समिशनका साथमा । बृहत्तर गेम्स, हाइपर रियालिस्टिक सिन्स र अन्तरक्रियात्मक कन्टेन्ट लगायतले डाटा ट्रान्समिशन, ईन्टरनेटको गति न्यून विलम्बताको आवश्यकता लगायत चुनौती थपेको छ । विद्यमान डिजिटल पुर्वाधारले यी चुनौति झेल्न सक्ने अवस्था भने छैन । यी चुनौतिको समाधानका रुपमा फाइभजी वाइडब्याण्ड र लो लेटेन्सी हाम्रा सामुन्ने छन् । ओपो ईन्नो डे २०२०मा एआर ग्लास २०२१ सार्वजनिक गरिँदा उपस्थितले एमओबीए-स्टाइल गेम र टावर डिफेन्स गेम मार्फत अगुमेन्टेड रियालिटीको अनुभव गरेका थिए । फाइभजी कनेक्टीभिटीका साथमा भर्चुअलका साथमा रियालिटी सम्मिलित गेमहरु अझ रचनात्मक र विविधतापूर्ण हुनेछन् ।

ल्यागिङ जमानाको अन्त्यः
न्यून बिलम्बताको फाइदा गेमिङमा मात्र नभइ अन्य क्षेत्रमा पनि उत्तिकै छ । त्यस्तै एक महत्वपूर्ण क्षेत्र हो औषधी । उदाहरणका लागि फाइभजी सञ्जालको प्रयोग गर्दै डक्टरहरुले सटिकरुपमा टेलि-अपरेटेड रोबोटिक सर्जरी गर्न सक्छन् । फाइभजीले उपलब्ध गराउने न्यून बिलम्ब सुविधा मार्फत अपरेटिङ कक्षका तस्विर तथा डाटा विना कुनै ढिलाई ट्रान्समिशन गर्न सकिन्छ । यसले गर्दा सर्जरी सटिक भरपर्दो र थप सुरक्षित बनाउन सहयोग मिल्छ । विश्वभर यस प्रविधिको सहयोग मार्फत सफलरुपमा सर्जरीहरु सफलताका साथ सम्पन्न पनि भइसकेका छन् । यस प्रविधिको ब्यापक प्रयोगले विकट क्षेत्रहरुमा उच्च गुणस्तरिय मेडिकल स्रोत पुर्‍याउन सघाव मिल्छ ।

यसको अर्को प्रयोग स्वचालित कारहरुमा पनि देख्न सकिनेछ । अहिले सम्म ल्यागिङ र कमजोर प्रतिक्रिया समयका कारण अवधारणाका रुपमा सिमित रहेको यसलाई पनि फाइभजीले चाँडै नै सार्थकता प्रदान गर्ने सम्भावना प्रबल छ ।

फाइभजी लो लेटेन्सीले चलचित्रहरुमा देखिने फ्युचरिस्टिक सपना झैँ लाग्ने अधिकांस सोचहरुलाई वास्तविकतामा बदल्न सघाउने छ । लो लेटेन्सीका फाइदाहरु गेमिङ, रिमोट सर्जरी वा स्वचालित सवारीहरुमा मात्र सिमित छैनन् । ओपोका फाइभजी उपकरणहरुले समग्र नयाँ अनुभवहरु तपाईँकै औँलामा उपलब्ध गराउँदै फाइभजी ईन्टरनेट अफ एक्स्पेरियन्सको जमानामा रोमाञ्चक र आरामदायिताको अनुभव प्रदान गर्नेछन् ।

प्रतिक्रिया दिनुहोस !
Loading comments...
सम्बन्धित खबरहरु

काठमाडौं- सरकार र विप्लव समूहबीच सहमति जुटेपछि प्रतिबन्धित नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ सार्वजनिक हुने भएका छन् ।

काठमाडौँ । शैक्षिक क्षेत्रका विभिन्न माग राखी नेपाल विद्यार्थी संघ त्रिभुवन विश्वविद्यालय समितिले ३० दिनदेखि गरिरहेको रिले अनसन अनसनमा पूर्व

काठमाडौँ- सरकारले फागुन २३देखि ५५ वर्षभन्दा माथिका ज्येष्ठ नागरिकलाई समेत कोरोना भाइरसविरूद्धको खोप लगाउँदै छ । फागुन २३देखि चैत्र १५

काठमाडौं । इन्टरपोलले चीन र दक्षिण अफ्रिकामा सक्रिय रहेका कोरोनाविरुद्धको नक्कली खोप बिक्री गर्ने गिरोहलाई नियन्त्रणमा लिएको र हजारौं डोज