‘कोभिड-१९ विरुद्धको खोप लगाएका विदेशी पर्यटकलाई सहजै प्रवेश दिइने’
काठमाडौं । संस्कृति, पर्यटन तथा नागरिक उड्ययनमन्त्री भानुभक्त ढकालले कोभिड-१९ विरुद्धको खोप लगाएर आउने विदेशी पर्यटकलाई सहजै प्रवेश दिने तयारी गरिएको बताएका छन् ।
संस्कृति, पर्यटन तथा नागरिक उड्ययन मन्त्रालयमा शुक्रबार पर्यटन क्षेत्रमा काम गर्ने सञ्चारकर्मीहरुसँग भेटमा ढकालले कोभिड-१९ विरुद्धको खोप लगाएर नेपाल आउने विदेशी पर्यटकलाई प्रवेश सहज गराउने सरकारको तयारी रहेको बताएका हुन् । उनले नेपाल आउने व्यक्तिले क्वारेन्टिन बस्नुपर्ने अनिवार्य व्यवस्थालाई संशोधन गरी सहज बनाउने तयारी गरेको पनि बताए ।
७२ घण्टाभित्र पीसीआर परीक्षण गराएर आएको रिपोर्ट र नेपालमा परीक्षण गर्दा पनि पीसीआर रिपोर्ट नेगेटिभ भएकाहरुलाई आफ्नो गन्तव्यमा सजिलै जान दिने व्यवस्था गर्न लागेको पनि मन्त्री ढकालले बताए ।
