Lifestyle Portal
  •   २१ फाल्गुन २०७७, शुक्रबार

लडाइँमा नहार्ने देश यत्रा यत्रा डल्लासँग किन हार्ने ? : प्रधानमन्त्री

२० माघ २०७७, मंगलवार १९:३१

काठमाडौं । प्रधानमन्त्री केपी शर्मा ओलीले राष्ट्रिय खेलकुद परिषद् (राखेप)लाई अन्तर्राष्ट्रिय खेलकुद प्रतियोगितामा सहभागी हुने खेलाडी छनोट गर्दा कसैको पक्ष नलिई छनोट गर्न सुझाव दिएका छन् ।

(राखेप)ले मंगलबार राजधानीमा गरेको ‘खेलकुदसँग प्रधानमन्त्री अन्तरक्रिया’लाई सम्बोधन गर्दै प्रधानमन्त्री ओलीले पक्षधरताबिना नै छनोट गर्ने काम परिषद्को भएको र प्रशिक्षक एवं खेलाडी चयन गर्दा स्वर्णपदकलाई मात्रै प्राथमिकतामा राख्नुपर्ने बताएका हुन् ।विगतमा जित्न सक्ने खेलाडी छनोटमा नपरेका गुनासो आएको दृष्टान्त दिँदै उनले पदाधिकारी र छनोटकर्ताहरुलाई तालिमदेखि प्रतियोगितासम्मका खेलाडी छनोटमा भेदभाव नगर्न सुझाव दिए ।

सरकारले खेलकुद क्षेत्रको लगानीलाई बहुउत्पादनमुखी उपलपब्धको रुपमा लिएको उनले स्पष्ट पारे । खेलमा हारजितको ठूलो महत्व रहेको भन्दै उनले नेपाल कहिले युद्धमा नहारेको देश रहेकाले खेल पनि जितका खेल्न आग्रह गरे ।

‘‘लडाइँमा नहार्ने देश यत्रा यत्रा डल्लासँग किन हार्ने ? खेल भन्या के हो ? एउटा भकुन्डो नै हान्ने त हो नि । किन हार्ने ? क्रिकेटमा एउटा बल हान्ने हो, त्यसमा किन हार्ने ?,’’ उनले भने, “सितोरियो, कराते, कम्फु र भारोत्तोलन किन हार्ने ?’’

अशान्ति जित र हारका आधारमा हुने बताउँदै उनले भने, ‘‘संसद् भंग भइसक्यो चुनाव हुन लागिसक्यो, हुनु हुँदैन भनेर कराइरहेका छन्, त्यो जितका लागि हो ।’’

प्रधानमन्त्री ओलीले नेपालको भूगोलअनुसारको खेल उत्पादन गरी प्रतियोगिताहरुमा त्यस्ता खेललाई सहभागी गराउन परिषद्लाई सुझाव दिए । उनले सातै प्रदेशमा एक-एकवटा रंगशाला बनाउने काममा केही मान्छेहरुले अवरोध सिर्जना गरेको बताए ।

त्यस्तै, मूलपानी क्रिकेट रंगशाला कहिले सम्पन्न हुन्छ ? भन्ने प्रश्नमा उनले ‘‘दुई वर्ष भइसक्यो अझै भएको छैन ?,’’ भन्दै अनविज्ञता प्रकट गरे ।

प्रतिक्रिया दिनुहोस !
Loading comments...
सम्बन्धित खबरहरु

काठमाडौँ– प्रधानमन्त्री केपी शर्मा ओलीले नेपाल अब शान्तिपूर्ण युगमा प्रवेश गरेको बताएका छन् । सरकार र विप्लव नेतृत्वको नेपाल कम्युनिस्ट

नेपाली राजनीतिको पछिल्लो इतिहास हेर्ने हो भने यो २०४६ सालदेखि अति नै अस्थिर रहँदै आएको देखिन्छ। अहिले नेपालको राजनीति अति

काठमाडौं । सरकार र नेत्रविक्रम चन्द विप्लव नेतृत्वको नेपाल कम्युनिस्ट पार्टीबीच तीनबुँदे सहमतिमा हस्ताक्षर भएको छ । प्रधानमन्त्री केपी शर्मा

काठमाडौं । सरकार र नेत्रविक्रम चन्द ‘विप्लव’ नेतृत्वको नेकपाबीच भएको सहमतिमा हस्ताक्षर कार्यक्रम सुरु भएको छ । काठमाडौंको राष्ट्रिय सभागृहमा