ईयूलाई खोप आपूर्ति गर्न भारत इच्छुक


काठमाडौं । विश्वकै सबैभन्दा ठूलो खोप उत्पादक कम्पनी भारतको सिरम इन्स्टिच्युटले युरोपेली संघलाई खोप आपूर्ति गर्न सक्षम रहेको बताएको छ ।

सिरमले अक्सफोर्ड-एस्ट्राजेनेकाद्वारा विकसित खोप उत्पादन गरिरहेको छ ।

सिरमका प्रमुख अदार पुनावालाले कोभिड–१९ विरुद्धको खोप आपूर्ति गर्न ईयूका विद्यमान नियमहरूमा परिवर्तन गरिएमा भारतले संघलाई खोप उपलब्ध गराउन सक्ने बताए। युरोपमा खोप आपूर्ति गर्न विद्यमान नियमहरूले अवरोध गरेको उनले बताए।

सिरमले कोरोना भाइरसविरुद्धको खोप दैनिक २५ लाख मात्राको दरले उत्पादन भइरहेको जनाएको छ । खोपको अधिकांश हिस्सा भारतमा प्रयोग गरिएको छ भने केही प्रतिशत उत्पादनलाई छिमेकी तथा आफ्ना सहयोगी राष्ट्रहरूलाई उपलब्ध गराइएको छ ।


Loading comments...