काठमाडौं । निजी क्षेत्रले नेपाल कम्युनिस्ट पार्टी (नेकपा) को प्रचण्ड–नेपाल समूहसँग आमहड्ताल फिर्ता लिन माग गरेको छ ।

नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर अफ कमर्शले बुधबार बेलुकी संयुक्त विज्ञप्ति जारी गरेर आमहड्ताल फिर्ता लिन माग गरेका हुन् ।

प्रचण्ड–नेपाल नेतृत्वको नेपापाले बिहीबार देशव्यापी आमहड्तालको घोषणा गरेको छ । कोरोना महामारीले आक्रान्त सर्वसाधारण, उद्योगी–व्यवसायीलाई आमहड्तालले प्रत्यक्ष प्रभाव परेर थप पीडा दिने विज्ञप्तिमा उल्लेख छ ।