Lifestyle Portal
  •   २ भाद्र २०७९, बिहीबार

कनेक्ट आईपीएसबाट कसरी तिर्ने ट्राफिक नियम उल्लंघनको जरिबाना ?

२२ माघ २०७७, बिहीबार ०९:३३

काठमाडौं । ट्राफिक नियम उल्लंघन गरे वापतको कसुरमा बुझाउनु पर्ने जरिबाना रकम अब कनेक्ट आईपीएस प्रणालीमार्फत् बैंक खाताबाट अनलाइन नै गर्न सकिने भएको छ । महानगरीय ट्राफिक प्रहरी महाशाखाको एक विशेष कार्यक्रममार्फत् आज यस्तो व्यवस्था सुरु गरिएको हो ।

सेवासँग सम्बन्धित सम्झौतापत्रमा महानगरीय ट्राफिक प्रहरी महाशाखाका तर्फबाट प्रहरी वरिष्ठ उपरीक्षक जनक भट्टराई तथा एनसीएचएलका प्रमुख कार्यकारी अधिकृत नीलेश मान सिहं प्रधानले हस्ताक्षर गरे ।

जरिबाना भुक्तानीको लागि सेवाग्राहीले कनेक्ट आईपीएसमा लगइन गरी ‘सरकारी भुक्तानी’ भित्र ‘नेपाल ट्राफिक पुलिस’ छनोट गर्नुपर्ने हुन्छ । त्यसपछी भुक्तानी गर्ने आफ्नो बैंक खाता छनोट गरी ट्राफिकले दिएको चिट नम्बर र आर्थिक वर्ष दाखिला गरी भुक्तानी गर्न सकिन्छ ।

यसरी गरिएको भुक्तानी महाशाखाको तोकिएको बैंकमा सिधै जम्मा हुन्छ भने ट्राफिकको सिस्टममा पनि उक्त भुक्तानीको विवरण जान्छ ।

ट्राफिक जरिबानाको भुक्तानी अनलाइनबाट भएलगतै अब सेवाग्राहीले बैंक शाखा नै पुगेर जरिबाना रकम जम्मा गर्नुपर्ने बाध्यता अन्त्य भएको छ । यो सेवालाई आगामी दिनमा एनसीएचएलमा आवद्ध बैंक वित्तिय संस्थाका मोबाइल÷इन्टरनेट बैंकिङ एवम् अन्य आबद्ध वालेटमार्फत पनि भुक्तानी गर्न सकिने गरी विस्तार गरिने जनाइएको छ ।

प्रतिक्रिया दिनुहोस !
सम्बन्धित खबरहरु

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय

भारत सरकारको अनुदान सहयोगमा सिन्धुली जिल्लाको कमलामाई नगरपालिका–६ मा अवस्थित सिन्धुली सामुदायिक टेक्निकल इन्स्टिच्यूटको नवनिर्मित शैक्षिक भवनको उद्घाटन सम्पन्न भएको

विश्वका ठूला शहरहरुको सामाजिक बनोट हेर्न हो भने ती शहरहरुमा अनेक जातीय समूह वा विभिन्न संस्कृति भएका व्यक्तिहरुको बसोबास रहेको