नेपाल इफ्रास्ट्रक्चर बैंकको नाफा घट्यो

काठमाडौं। नेपाल इफ्रास्ट्रक्चर बैंकको चालु आवको दोस्रो त्रैमासको नाफा १२ शमलव ५४ प्रतिशतले कमी आएको छ। बैंकले प्रकाशित गरेको दोस्रो त्रैमासको वित्तीय विवरण अनुसार बैंकको नाफा गत वर्षको सोही समयको भन्दा १२ दशमलव ५४ प्रतिशतले कमी आएको छ।

गत आवको दोस्रो त्रैमाससम्ममा ४० करोड २७ लाख रुपैयाँ नाफा आर्जन गरेको बैंकको चालु आवको सोही अवधिमा नाफा घटेर ३५ करोड २२ लाखमा सीमित भएको छ। केही समय मात्रै ८ अर्ब रुपैयाँ बराबरको आइपीओ जारी गरेको बैंकको अहिले चुक्तापुँजी १२ अर्ब रुपैयाँ छ। आइपीओ जारीपछि अब बैंकको चुक्तापुँजी २० अर्ब पुग्नेछ।

बैंकले चालु आवको सीमक्षा अवधिमा ३२ करोड ४४ लाख ९३ हजार निक्षेप संकलन गरेको छ। बैंक गत आवको सोही अवधिमा २५ करोड रुपैयाँ निक्षेप संकलन गरेको थियो। अघिल्लो वर्ष बैंकले ब्याज आम्दानी ६१ करोड ७१ लाख ३३ हजार रुपैयाँ गरेकोमा चालु आवको सोही अवधिम ब्याज आम्दानी ५६ करोड ९४ लाख ८५ हजार रुपैयाँ गरेको छ।

बैंकको जगेडा कोषमा १ अर्ब ९४ करोड २५ लाख रुपैयाँ छ भने बैंकको प्रतिसेयर आम्दानी ५.८७ पैसा छ।