चलचित्र प्रसादको समिक्षा

रेटिङ्ग ३ /५
कलाकार : नम्रता श्रेष्ठ, बिपिन कार्की, निश्चल बस्नेत, बसुन्धरा भुसाल
निर्देशन : दिनेश रावत

राम्रो पक्ष : समय सान्र्दभिक कथालाई निकै उत्कृष्ट रुपमा प्रस्तुत गर्न प्रसाद सफल देखिएको छ । कलाकार नम्रता श्रेष्ठ र बिपिन कार्कीले आफनो भुमिकालाई पात्रअनुरुप न्याय दिएका छन् । ग्रामिण क्षेत्रको समस्या, मान्यता तथा वोलिचालीलाई टपक्क टिप्न कथा सफल देखिन्छ ।

नराम्रो पक्ष : छायाङ्कनको कुरा गर्दा चलचित्रको छायाङ्कन स्थल र छायाङ्कन शैली राम्रो छ , तथापि किर्तिपुर वरिपरिका धेरै दृश्यले चलचित्र किर्तिपुरमा मात्रै सिमित भएको हो कि जस्तो महसुस हुन्छ । नम्रता श्रेष्ठ मोडन भुमिकामा देखिने नायिका भएतापनि यस चलचित्रमा भने यिनको अभिनय अत्यन्त मौलिक पाइन्छ । हामीले अन्य चलचित्रमा देखेकी नम्रता र प्रसादमा देखिने नम्रतामा धेरै फरक छ तरपनि घरिघरि उनको मेकअप र भेषभुषामा ध्यान नपुगेको भान हुन्छ । कतिपय दृश्यमा ध्यान दिएर हेर्दा उनको कपला नक्कली र सक्कली छुट्याउने सकिने हुन्छ ।चलचित्रको अन्तयमा दर्शकहरुको अपेक्षा भन्दा केही पृथक घटनाहरु घटिदिनछन् जसले दर्शकहरु केही हद सम्म निराशा हुन सक्छन् । चलचित्रको फस्ट हाप निकै उत्कृष्टि बनेको तर पछिल्लो हापमा बिभिन्न घटनाहरुले चलचित्र ढिलो र आशा अनुरुप नभएको लाग्न सक्छ ।

हेर्ने कि नहेर्ने : चलचित्र निकै राम्रो बनेको छ । सिरियस कथा, जिन्दगीका उतारचढाब, साधारण बिषयबस्तुलाई रुचाउने दर्शकहरुको लागि यो चलचित्र राम्रो लाग्नेछ । द्धन्द्ध तथा ग्यालमर खोज्ने दर्शकहरुले यो चलचित्रमा राखेको अपेक्षा पुरा नहुन सक्छ् । कथाबस्तु तथा कलाकारको प्रस्तुतिलाई ध्यान दिने दर्शकहरुको लागि उत्कृष्ट चलचित्र बन्ने छ । प्रसाद बास्तवमै नेपाली चलचित्रको प्रसादकै रुपमा लिन सकिन्छ तर इन्सट्यान्ट नुडल्स र जंक भुडको र्फमुला मनपराउने दर्शकलाई भने प्रसाद केही खल्लो लाग्न सक्छ ।

कथा बस्तु : प्रसाद चलचित्रको कथाबस्तु मुख्य ३ पात्रको वरिपरि घुमेको छ । अन्तरजातिय बिवाह गरेका बिपिन कार्की गाँउका एक दलित परिवारको बाबुरामको पात्रमा देखिएका छन् भने नम्रता श्रेष्ठलाई वडा अध्यक्षको छोरीको नारायणीको रुपमा देख्न सकिन्छ । विवाह पश्चात शहर आएका नब दम्पतिले भोगेका समस्या, कठिनाई, गरिबी तथा सन्तानको इच्छालाई विशिष्टरुपमा चित्रण गरिएको छ । बिपिन कार्कीको गाँउका साथी निश्चल बस्नेतलाई रमेशको भुमिकामा देख्न सकिन्छ । उनी यस चलचित्रमा खलनायकको पात्रमा देखिएका छन् । चलचित्रमा हाँस्य पक्षलाई पनि निकै सुन्दर रुपमा प्रस्तुत गरिएको पाईन्छ । सामान्य कथालाई विशिष्ट रुपमा प्रस्तुत  गर्न निर्देशक दिनेश रावत सफल भएका छन् ।

संगित : चलचित्र सफलतामा संगितको पनि ठुलो भुमिका रहन्छ । प्रसाद एउटा सांगितिक चलचित्र हो भन्न पनि सकिन्छ । लै लै कठै बरिलै भन्ने गित शुरु नै देखि निकै रुचाईएको छ । केतन क्षेत्रीको स्वर, गणेश शाहीको शब्द र सुबास भुसालको संगितमा रहेको यो गित निकै मार्मिक बनेको छ , साथै युटुवमा पनि निकै रुचाईको छ । साथै बनकी चरी के भन्छ भन्ने बोलको गित पनि निकै उत्कृष्ट रहेको छ । नेपाल आइडलका प्रतिस्पर्धी बिक्रम बरालको स्वरमा रहेको बरि क्याी बचौला बोलको गित पनि निकै चर्चामा रहेको छ ।