चौतर्फी दबाबपछि रामकुमारी झाँक्रीलाई छाड्यो प्रहरीलेः रिहाई पछि नेतृ झाक्रीले के भनिन? (भिडियो)

काठमाडौं- नेकपा प्रचण्ड-नेपाल पक्षकी युवा नेतृ रामकुमारी झाँक्रीलाई प्रहरीले रिहा गरेको छ । बिहीबार दिउँसो शंखमूलस्थित निवासबाट पक्राउ परेकी नेतृ झाँक्रीलाई बिहीबार साँझ प्रहरीले रिहा गरेको हो ।

प्रहरीको अपराध अनुसन्धान महाशाखाले राज्यबिरुद्ध अभियोगमा नेतृ झाँक्रीलाई बिहीबार दिउँसो पक्राउ गरेको थियो । नेकपा, कांग्रेसलगायत मुख्य दलहरुका प्रमुख नेताहरुले झाँक्री पक्राउको विरोध गर्दै तत्काल रिहाइको माग गरेका थिए । वाक स्वतन्त्रतामाथीको अंकुशको संज्ञा दिंदै चौतर्फी व्यापक विरोध भएको थियो ।

नेतृ झाँक्रीले गोरखामा केही दिनअघि एक कार्यक्रममा राष्ट्रपति विद्यादेवी भण्डारीबिरुद्ध लाञ्छना लगाएको भन्दै उनलाई पक्राउ गरिएको हो ।

रिहाई पछि नेतृ झाक्रीले के भन्नुभो? भिडियो हेर्नुहोस्ः