Lifestyle Portal
  •   २८ श्रावण २०७९, शनिबार

मलेसियामा विदेशीलाई कोरोना विरुद्दको खोप निःशुल्क, ‘अवैधानिक’ले पनि सुविधा पाउने

३० माघ २०७७, शुक्रबार १३:३५

लेसियामा कार्यरत विदेशी श्रमिकलाई पनि मलेसियाले कोभिड-१९ विरुद्दको खोप लगाउने घोषणा गरेको छ । अवैधानिक रुपमा बस्दै आएका विदेशीले समेत खोप सुविधा पाउने छन् ।

मलेसिया सरकारले फेब्रुअरीको अन्तिम सातादेखि सुरु हुने खोप अभियानमा विदेशी श्रमिकलाई पनि कोरोना विरुद्दको खोप दिइने जनाएको छ । मलेसिया सरकारले आफ्नो सुरक्षा गरौं, सवैलाई सुरक्षित बनाउँ अभियान अन्तर्गत आफ्नो मुलुकमा कार्यरत विदेशी श्रमिकलाई खोप दिने भएको हो ।

यसरी दिइने खोप निःशुल्क रुपमा उपलव्ध हुने जनाइएको छ । मलेसियाले आफ्नो नागरिकको संख्या भन्दा धेरै मात्रामा खोपको मात्रा उपलव्ध हुने र त्यसबाट त्यहाँ कार्यरत विदेशी श्रमिकलाई पनि खोप पुग्ने स्थानीय सञ्चार माध्यमले जनाएका छन् ।

विदेशी श्रमिकलाई खोप लगाएर मलेसियन नागरिकलाई पनि सुरक्षित बनाउन, हर्ड ईम्यूनिटी विकास गर्न तथा आप्रवासी श्रमिकले मलेसियाको आर्थिक विकासमा पुर्याएको योगदानको कदर गर्दै तथा अन्य मुुलुकहरुले त्यहाँ रहेका मलेसियन नागरिकलाई निःशुल्क रुपमा खोप सुविधा उपलव्ध गराएको हुँदा मलेसियामा कार्यरत विदेशी नागरिकहरुलाई पनि निःशुल्क खोप दिन लागिएको हो ।
यद्यपी खोप पाउनेमा मलेसियन नागरिकहरुले प्राथमिकता पाउने जनाइएको छ । गैर मलेसियन नागरिकले कहिले देखि खोप सुविधा प्राप्त गर्नेछन् भन्ने छिट्टै जानकारी दिने जनाइएको छ । हर्ड ईम्यूनिटी विकासका लागि सकेसम्म छिट्टै खोप अभियान सुरु गर्ने मलेसिया सरकारको योजना छ ।

मलेसियाका विज्ञान मन्त्री खेरी जमालुद्दिनले अवैधानिक रुपमा बस्दै आएका विदेशी श्रमिकका साथै कुटनीतिक नियोगका कर्मचारी, विदेशी नागरिक, विदेशी नागरिकका श्रीमान श्रीमति तथा छोराछोरीहरु त्था शरणार्थीहरुलाई निःशुल्क रुपमा खोप दिने निर्णय मन्त्री परिषदले गरिसकेको जनाएका छन् । गत हप्ता मात्रै मलेसियाका प्रधानमन्त्री मुहियाद्दिन यासिनले मलेसियामा वृहत खोप अभियान फेबु्रअरीको अन्तिम सातामा सुरु हुने जनाएका थिए । उनले मुलुकको ८० प्रतिशत जनसंख्याले निःशुल्क रुपमा खोप प्राप्त गर्ने अपेक्षा गरिएको जनाएका थिए ।

प्रतिक्रिया दिनुहोस !
सम्बन्धित खबरहरु

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।

बलिउड सिनेमाका ५ तारे समिक्षक तरन आदर्शले आफ्नो आधिकारीक फेसबुक अकाउन्टबाट यहि साता एउटा पोष्ट सार्वजनिक गरे जुन पोष्टमा नवपुस्ताका

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा