Lifestyle Portal
  •   १३ माघ २०७९, शुक्रबार

नौ वर्षको शासनकालकै ‘कठिन समय’ मा उत्तर कोरियाली नेता किम जोङ उन

१ फाल्गुन २०७७, शनिबार ०८:२९

लोकप्रिय

प्योङयाङ । उत्तर कोरियाली नेता किम जोङ उनले कोरोना महामारीका कारण उत्पन्‍न आर्थिक संकटको समाधानका लागि कुनै नयाँ योजना प्रस्तुत गर्न नसकेको भन्दै वरिष्ठ अर्थ अधिकारीलाई कारबाही गरेका छन् ।

गत महिना नियुक्त गरिएका वरिष्ठ अर्थ अधिकारीको कामप्रतिको प्रस्तुती सन्तोषजनक नभएको भन्दै बर्खास्त गरेको जानकारी दिएका छन् । उत्तर कोरियाको सरकारी सञ्‍चारमाध्यमका अनुसार किमको नौ वर्षको शासन कालकै निकै कठिन समयमा रहेको बताइएको छ ।

संयुक्त राज्य अमेरिकाले उत्तर कोरियामाथि लगाइएको प्रतिबन्ध हटाउने अपेक्षा गरिए पनि प्रतिबन्ध नहटाउनु, कोरोना महामारीका कारण सीमा बन्द हुँदा आर्थिक क्षेत्र प्रभावित हुनु र प्राकृतिक प्रकोपका कारण बालीमा ठूलो क्षति हुँदा कमि अहिले निकै कठिन समयको सामना गरिरहेको बताइएको छ । दशकौंदेखिको रणनीति असफल हुनु र सन् १९९० देखिको भोकमरी थप वृद्धि जाँदा उत्तर कोरियाले ठूलो संकटको सामना गरिरहेको छ ।

सीमा क्षेत्रमा लगाइएको प्रतिबन्धले उत्तर कोरियाको ठूलो आर्थिक साझेदार चीनसँगको व्यापारमा ठूलो क्षति पुर्‍याएको छ । पछिल्लो १० महिनामा चीनसँगको व्यापारमा ७५ प्रतिशतले गिरावट आएको छ ।

सन् २०११ मा किमले सत्ता सम्हालेपछिकै पहिलो पटक उत्तर कोरियाली उद्योगहरुले कच्चा पदार्थको अभावको सामना गरेका हुन् । जसका कारण चिनिलगायतका अन्य खाद्यपदार्थको मूल्य चार गुणाले बढेको दक्षिणी कोरियाली गुप्तचर एजेन्सीले जनाएको छ ।

केही विश्लेषकहरुले अहिलेको चुनौतीले उत्तर कोरियामा आर्थिक आँधीको स्थिति सिर्जना गर्ने र उत्तर कोरियाली बजार अस्थिर बन्दै जनआक्रोश बढ्ने र अस्थिरताले व्यापकरुप लिने बताएका छन् ।

अहिलेको आर्थिक चुनौतीका कारण नेता किमलाई विगतका आर्थिक योजनाहरु असफल भएको स्वीकार गर्न बाध्य पारेको छ । जनवरीमा उत्तर कोरियाको सत्तारुढ दल वर्कर्स पार्टीको कंग्रेसले नयाँ पाँच वर्षे आर्थिक विकास योजना जारी गरेको थियो । तर, बिहीबार किमले पार्टीको सेन्ट्र कमिटी बैठकमा उक्त योजना कसरी कार्यान्वय गर्ने भन्‍ने विषयमा चर्को निराशा बढेको टिप्पणी गरेका छन् । – अलजजिरा

प्रतिक्रिया दिनुहोस !
सम्बन्धित खबरहरु

एजेन्सी सीउल, १९ पुस उत्तर कोरियाली नेता किम जोङ उनले दोस्रो शक्तिशाली सैन्य अधिकारी पाक जोङ चोनलाई पदमुक्त गरेको कोरियाली

एजेन्सी सेनेगल, १९ पुस सेनेगलका दुई विपक्षी सांसदलाई बजेटको बहसका क्रममा गर्भवती सांसदलाई  पेटमा लात हानेको अभियोगमा ६ महिनाको जेल

कोरोना महामारी, निरन्तरको जलवायु प्रकोप, बढ्दो भूराजनीतिक तनाव, थलिएको अर्थतन्त्रमा कछुवाको गतिमा झिनो सुधार, ऊर्जा र खाद्यन्नको अकल्पनीय मूल्य वृद्धिलगायत

विरगञ्ज, १४ पुस छिमेकी मुलुक भारतमा कोभिड–१९ को संक्रमण फैलन थालेपछि वीरगन्ज नाकामा उच्च सतकर्ता अपनाइएको छ । इनरुवा नाकामा