Lifestyle Portal
  •   ३१ श्रावण २०७९, मंगलवार

भागरथी हत्याको अनुसन्धान तीव्र बनाएर दोषीलाई अविलम्ब पक्राउ गर्न कांग्रेसको माग

३ फाल्गुन २०७७, सोमबार ००:०६

काठमाडौं- नेपाली कांग्रेसले भागरथी भट्टको हत्याको अनुसन्धान तीव्र बनाएर दोषीलाई अबिलम्ब पक्राउ गर्न सरकारसँग माग गरेको छ ।

बैतडीको दोगडाकेदारकी किशोरी भट्टको घटनाका दोषी पत्ता लगाउन ढिलाइ भएको भन्दै विभिन्न संघसंस्था तथा मानवअधिकारवादीहरूले प्रदर्शन गरिरहेका छन् । सरकार उक्त घटनाको अनुसन्धानमा लागे पनि दोषी पत्ता लगाउन भने सकेको छैन ।

सरकारको ध्यानाकर्षण गराउन कांग्रेस प्रवक्ता विश्वप्रकाश शर्माले शुक्रबार एक विज्ञप्ति जारी गर्दै बलात्कार र हत्याका हरेक घटनामा राज्यको अस्तित्व प्रभावकारी बनाउन भनेका छन् ।

‘बैतडी जिल्लाको दोगडाकेदारकी किशोरी भागरथी भट्टको बलात्कार र हत्यामा संलग्न दोषी घटनाको दोस्रो साता प्रवेश गर्दासम्म पक्राउ नपर्नु, उनको शव अस्पतालमा रहिरहनु र परिवारजनले पिडामाथि पीडा भोग्नुको स्थितिलाई नेपाली कांग्रेसले दुःखद र गम्भीर रूपमा लिएको छ । अतः अनुसन्धान तिब्र बनाउन, दोषी अविलम्ब पक्राउ गर्न, बैतडी घटनासंँगै देशभरका सबै यस्ता घटनाविरुद्ध राज्यको अस्तित्व प्रभावकारी बनाउन नेपाली कांग्रेस प्रधानमन्त्री समक्ष माग गर्दछ,’ शर्माद्वारा जारी विज्ञप्तिमा भनिएको छ ।

अनेक प्रकृतिको हिंसासँगै बलात्कार र बलात्कारपछि हत्याको जघन्य अपराध केही बर्षयता डरलाग्दो ढंगले बढेकोप्रति चिन्ता व्यक्त गर्दै कांग्रेसले ‘विकसित मुलुकमा पनि यस्तै हुन्छ’ भन्ने गृहमन्त्री रामबहादुर थापाको गैरजिम्मेवार भनाइले कानूनी चेतावनीको भाषालाई कमजोर बनाएको बताएको छ ।

महिला हिंसा बढेर जाँदा राज्यले विशेष नीति अख्तियार गर्न र प्रशासन संयन्त्रलाई थप तदारुक बनाउन सरकारसमक्ष माग गर्दै कांग्रेसले यस्ता घटनाविरुद्ध सिंगो समाजको सजगताका लागि अपील पनि गरेको छ ।

बैतडी घटनाको स्थलगत अध्ययन गरि लिखित प्रतिवेदन पेश गर्न एवं स्थानीयवासी र परिवारजनसँग भेट गर्न कांग्रेस केन्द्रीय समितिको प्रतिनिधिका रूपमा केन्द्रीय सदस्य रमेश लेखक आज साँझ बैतडी गएका छन् ।

प्रतिक्रिया दिनुहोस !
सम्बन्धित खबरहरु

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

काठमाडौं । हिमालयन टेलीभिजनका प्रधानसम्पादक पत्रकार राजेन्द्र बानियाँले देशका सञ्चारमाध्यमहरु युवाहरुको आवाज बन्नुपर्ने बताउनु भएको छ । अन्तराष्ट्रिय युवा दिवसको

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।