काठमाडौं । प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका महासचिव विप्लवले सरकारसँग वार्ता र संवादका लागि सकारात्मक रहेको बताएका छन् ।

महासचिव विप्लवले शनिवार एक वक्तव्य जारी गर्दै सहज गतिविधि र कार्यक्रम गर्ने वातावरण बन्‍ने अवस्थामा सरकारसँग वार्ताको लागि सकारात्मक रहेको बताएका हुन् ।

विप्लवले जारी गरेको विज्ञप्तिमा भनिएको छ, “आम जनसमुदायमा सहज गतिविधि र कार्यक्रम गर्ने वातावरण बन्ने अवस्थामा हाम्रो पार्टी सरकारसँग संवाद र वार्ताको लागि सकारात्मक रहेको विषय सबैमा जानकारी गराउछौँ ।”

यसअघि नेपाल सरकारका मन्त्रीहरु र विप्लव समूहका विभिन्‍न नेताहरुबीच विभिन्‍न अनौपचारिक संवादहरु भएका थिए ।