महिला लघुवित्तको आईपीओ बाँडफाँट शुक्रबार बिहान हुने
१२ फाल्गुन २०७७, बुधबार २३:३७
काठमाडौं । महिला लघुवित्त वित्तीय संस्थाको साधारण शेयर ९आईपीओ० यही १४ फागुन शुक्रबार बिहान ८ बजे बाँडफाँट हुने भएको छ । उक्त शेयरको निष्कासन तथा बिक्री प्रबन्धक नेपाल एसबीआई मर्चेन्ट बैंकिङले बुधबार एक विज्ञप्ति जारी गर्दै त्यस्तो जानकारी दिएको हो ।
आईपीओको बाँडफाँट नेपाल एसबीआई मर्चेन्ट बैंकिङको कार्यालय हात्तीसारमा गरिनेछ ।
महिला लघुवित्तले ३० माघ २०७७ देखि १०० रुपैयाँ अंकित दरका कुल ४ करोड रुपैयाँबराबरको आईपीओ निष्कासन गरेको थियो । कुल ४ लाख कित्तामध्ये ५ हजार कित्ता कर्मचारीलाई सुरक्षित गरी २० हजार कित्ता समूहिक लगानी कोषका लागि बाँडफाँट गरिसकेको समेत जानकारी गराएको छ ।
