Lifestyle Portal
  •   १५ मंसिर २०७८, बुधबार

एक दशकमा रोजगारीको लागि कतार गएका १ हजार ६ बढी नेपालीहरुले ज्यान गुमाए

१४ फाल्गुन २०७७, शुक्रबार १६:००

लोकप्रिय

, काठमाडौँ । नेपाली श्रमिकहरुका लागि आकर्षक गन्तव्य मानिएको कतारमा पछिल्लो एक दशकमा १ हजार ६ सय ४१ नेपालीहरुले ज्यान गुमाएका छन् । बैदेशिक रोजगारीकोलागि गएका श्रमिकहरुको विभिन्न कारणले एक दशकमा १ हजार ६ सय ४१ नेपालीको मृत्यु भएको हो ।

कतारमा विश्वकप फुटवल प्रतियोगितालागि रंगशाला निर्माणको काम भएयता ज्यान गुमाउने आप्रवासी श्रमिकको संख्या बढेको छ । सन् २०११ द्येखि २०२० को बीचमा ६ हजार ५ सय भन्दा बढी आप्रवासी श्रमिकले कतारमा ज्यान गुमाएको बेलायती सञ्चार माध्यम गार्जियनले जनाएको छ ।

गार्जियनका अनुसार हरेक हप्ता कतारमा १२ जना आप्रवासी श्रमिकको मृत्यु भएको देखिएको छ । ज्यान गुमाउने आप्रवासी श्रमिकहरु मध्ये सबैभन्दा बढी भारतका रहेका छन् । एक दशकमा २ हजार ७ सय ११ भारतीय नागरिकको कतारमा मृत्यु भएको उक्त संचारमाध्यमले उल्लेख गरेको छ ।

ज्यान गुमाउने मध्ये४८ प्रतिशत नेपालीको प्राकृतिक मृत्यु भएको,१६ प्रतिशतको सडकमा दुर्घटनामा परेर, १० प्रतिशतको कार्यथलोमा भएको दुर्घटनामा परेर मृत्यु भएको देखिएको छ । मृत्यु भएका मध्ये ७ प्रतिशतको कारण पत्ता लागेको छैन ।

पछिल्लो एक दशकमा कतारमा विश्वकप फुटवल प्रतियोगिता लक्षित गर्दै रंगशालाहरु, सडक, सार्वजनिक यातायातको निर्माणमा तिब्रता दिएको छ । सन् २००८ देखि २०१९ बीचमा विभिन्न मुलुकहरुमा ७ हजार ४ सय ६७ नेपालीले ज्यान गुमाएको सरकारी तथ्यांक छ ।

बैदेशिक रोजगार विभागका अनुसार धेरै नेपालीको मृत्यु मलेशियामा भएको देखिएको छ भनें दोश्रोमा कतारमा देखिएको छ ।

प्रतिक्रिया दिनुहोस !
Loading comments...
सम्बन्धित खबरहरु

भारत सरकारको नेरु. १ करोड २७ लाख आर्थिक सहयोगमा दार्चुला जिल्लाको खलंगा, तिंकरमा अवस्थित श्री मोती महिला संघ प्राथमिक विद्यालयको

विश्व वातावरण प्रदूषित हुँदै गएकोमा विश्वका पश्चिमा मुलुकहरू जति चिन्तित देखिएका छन् त्यति अफ्रिकी र एशियाली मुलुक देशहरू छैनन्। विश्व

काठमाण्डौ । रक्तचन्दनको तेलको अबैध कारोबारमा संलग्न रहेको अभियोगमा १० जनालाई ३३ लिटर रक्तचन्दनको सुगन्धित तेल सहित बिहीबार प्रहरीले पक्राउ

कास्की । पोखरा महानगरपालिका-३३ गगनगौंडाबाट १ लाख ९४ हजार २ सय अमेरिकी डलर सहित पोखरा महानगरपालिका-९ शिवालय चोक बस्ने मुस्ताङ