काठमाडौं। अमेरिकी एक रिपोर्टमा साउदी राजकुमार मोहम्मद बिन सलमानले वाशिङटन पोस्टका साउदी पत्रकार जमाल खशोग्गीको हत्याको योजनालाई अनुमोदन गरेको दाबी गरेको छ। उक्त रिपोर्टले क्राउन प्रिन्सले खशोग्गीलाई साउदी अरबको लागि खतरा मान्दै आएको पनि बताएको छ।

टर्कीको इस्तानबुलस्थित संयुक्त अरब इमिरेट्स (युएई) को कन्सुलेटमा सन् २०१८ को अक्टोबर २ मा खशोग्गीको हत्या भएको थियो । यसले वली अहाद राजकुमार मोहम्मद बिन सलमानको भूमिकाबारे पनि प्रश्न उठायो। खशोग्गीको शव अहिलेसम्म बरामद भएको छैन ।

यदि अमेरिकाको जो बाइडेन प्रशासनले खशोग्गीको हत्या प्रकरणमा राजकुमार सलमानलाई दोषी ठहर गर्यो भने मध्यपूर्वको सबैभन्दा बलियो र धनी देशको सम्बन्ध अमेरिकासँग खराब हुने विश्वास गरिएको छ । राजा सलमानको उमेर ८५ वर्ष भएको छ र वास्तवमा शक्ति राजकुमार सलमानको हातमा छ। बाइडेनले राजा सलमानसँगको वार्तामा खशोग्गीको हत्या र राजकुमार सलमानको मुद्दाको बारेमा छलफल गरेको विश्वास गरिएको छ । तथापि, ह्वाइट हाउसले यसलाई सामान्य कुराकानी भनिरहेको छ।

इरान अमेरिका, साउदी अरेबिया, युएई र इजरायलका लागि सबैभन्दा ठूलो खतरा हो । अब यदि बाइडेन प्रशासनले साउदी सरकारलाई अपमान गर्छ भने यसको गम्भीर परिणाम भोग्नुपर्ने हुन सक्छ। मध्यपूर्वमा साउदी अरब बिना अमेरिका अघि बढ्न सक्दैन। किनकि यहाँ अमेरिकाका अनगिन्ती चासो र सैन्य अड्डाहरू छन्।

अमेरिकाले पनि सबै पक्षलाई विचार गरिरहेको छ र यसैकारण विदेश मन्त्री एन्टोनी ब्लिकेनले साउदी प्रशासनसँग बाइडेनभन्दा पहिले अन्तरक्रिया गरे। राजकुमार सलमानले अप्रत्यक्ष रुपमा साउदी सत्ता सम्हालेकाले अमेरिकाले उनीहरुविरुद्ध कुनै कदम चालेमा त्यसको गम्भीर परिणाम आउन सक्छ।