Lifestyle Portal
  •   १ भाद्र २०७९, बुधबार

मंगल ग्रहबाट पहिलो एचडी तस्बिर सार्वजनिक

१५ फाल्गुन २०७७, शनिबार १५:०३

सीएनएन । गएको बिहीबार मंगल ग्रहमा अवतरण गरेको नासाको ‘प्रिजरभरेन्स रोभर’ले नयाँ तस्बिरहरु पठाइरहेको छ । जसले पृथ्वीबाहिर अर्को ग्रहका रोचक दृश्य र वातावरणको प्रत्यक्ष अनुभव गराइरहेको विज्ञहरुले बताएका छन् ।

उक्त यानमा जडान गरिएको जुम गर्न मिल्ने कलर क्यामेरा, ‘मास्टक्याम–जी’ उपकरणले अवतरण भएको क्षेत्रबाट १४२ वटा तस्बिर पठाएको छ । तिनै तस्बिरहरुलाई मिलाएर नासाले ३६० डिग्रीको पहिलो प्यारानोमा बनाएको छ ।


यो पहिलो एचडी (हाइ डेफिनेसन) तस्बिरमा ‘जेजेरो क्रेटर’लाई स्पष्टसँग देख्न सकिन्छ, जुन ३.९ अर्ब वर्ष पुरानो सुकेको ताल भएको क्षेत्र हो । नासाको यानले त्यहीँ आफ्नो अध्ययन र रिसर्च सञ्चालन गर्नेछ । यसमा आगामी दुई वर्षसम्म प्राचीन जीवनको संकेत खोजी गरिनेछ ।

सार्वजनिक तस्बिरमा क्रेटर रिम, प्राचीन नदि डेल्टा अनि चट्टान केही दूरीमा देख्न सकिन्छ । सो तस्बिर नासाका अन्य यानले विगतमा पठाएकोभन्दा धेरै फरक भएको बताइएको छ । मास्टक्याम–जीका प्रमुख खोजकर्ता जिम बेल भन्छन्, “हामीले अहिले एकदमै राम्रो ठाउँमा बस्न पाएका छौँ । जहाँबाट विविध विशेषताहरु देख्न सकिन्छ । र, तिनीहरु ‘स्पिरिट’, ‘अपरचुनिटी’ र ‘क्युरिओसिटी’ यानका अवतरण क्षेत्रसँग धेरै तरिकाले समान पनि छन् ।”

प्रिजरभरेन्स रोभरले नेभिगेसन क्यामेराको प्रयोग गरी प्यारानोमा तस्बिर पनि पठाएको छ । यसमा जडान दुईवटा क्यामेरा एचडी फिचरयुक्त रहेका छन् । ती क्यामेरा ६ फिट अग्लो मान्छेको आँखाको स्तरमा रहेका छन् र ९.५ इन्च टाढाको दूरीमा छन् । यसले नै रोभरलाई विस्तृत दृश्य लिनमा मद्दत गरिरहेको छ । मास्टक्याम–जीले सिर्जना गर्ने कलर तस्बिरको गुणस्तर हाम्रो डिजिटल एचडी क्यामेराजस्तै अपेक्षा गर्न सकिने नासाका अधिकारीले बताए ।

ती क्यामेराले जुम गर्ने मात्र होइन, फोकस गरेर भिडियो खिच्नुका साथै प्यारानोमा र थ्रीडी तस्बिर पनि लिन सक्छन् । यसले मिसनको टिममा हुने वैज्ञानिकहरुलाई नजिक र टाढा दुवैतर्फका वस्तुहरुको जाँच गर्ने अवसर दिलाएको छ । यसको प्यारानोमामा ०.१ देखि ०.२ इन्च सानोसम्मका वस्तुहरु विस्तृतमा देख्न सकिन्छ । त्यस्तै, ६.५ देखि १० फिट टाढा पनि राम्ररी देखिन्छ । यी क्षमताको लक्ष्य भनेको सो भूगोलको इतिहास बुझ्न र रोभरका अन्य उपकरणहरुले अध्ययन गर्नुपर्ने ढुंगा र चट्टानहरुको पहिचान गर्नु रहेको छ ।

यसमार्फत् वैज्ञानिकहरुले संकलन गरी पृथ्वीमा ल्याउनुपर्ने ढुंगाहरु पनि निर्धारित गर्न सक्नेछन् । नासाले रोभरबाट प्राप्त थप तस्बिरहरु आफ्नो वेबसाइट र मिडिया अकाउन्टमा निरन्तर पोस्ट गर्ने बताएको छ ।

प्रतिक्रिया दिनुहोस !
सम्बन्धित खबरहरु

काठमाडौं । वैदेशिक रोजगार कार्यालय काठमाडौंले संस्थागत श्रम स्वीकृतिको काम अनलाइन प्रणालीबाट मात्र जारी हुने व्यवस्था गरेको छ । कार्यालय

भारत, नयाँ दिल्ली । भारतीय प्रधानमन्त्री नरेन्द्र मोदीले भारतको १०० औं स्वतन्त्रता दिवस आउनु अघिसम्म सरकारले नव भारत बनाउने लक्ष्य

चन्द्र ग्रहण (Chandra Grahan 2021) बारेमा खगोल वैज्ञानिकहरुका अनुसार आज (१९ सेप्टेम्बर, २०२१) लाग्ने यस चन्द्र ग्रहण ५८० वर्षपछि सबैभन्दा

भारतको हरियाणास्थित सोनीपतमा राष्ट्रिय कुस्तीवाज निशा दहिया, उनको २१ वर्षिय भाई, ८ वर्षिय एक बालक तथा आमा लगायत घरका ६