पाकिस्तानी प्रधानमन्त्री खानको विमानलाई भारतीय हवाइक्षेत्र प्रयोगको अनुमति, चौतर्फी प्रशंसा

नयाँ दिल्ली । पाकिस्तानी प्रधानमन्त्री इमरान खान सवार हुने विमानलाई भारतले आफ्नो हवाइक्षेत्र प्रयोगको अनुमति दिने निर्णयलाई प्रशंसनीय कदमको रुपमा टिप्पणी गरिएको छ । गत फेब्रुअरि २३ मा पाकिस्तानी प्रधानमन्त्री इमरान खान श्रीलंका भ्रमणमा जाँदा भारतले आफ्नो हवाइक्षेत्र प्रयोगको अनुमति दिएको थियो । दुई देशबीचको चिसिएको सम्बन्धका बाबजुद भारत सरकारको यो निर्णय प्रशंसनीय भएको काजख्स्तान, स्वीडेन र लात्भियाका लागी भारतीय पूर्व राजदुत अशोक सज्जनहारले टिप्पणी गरेका हुन् ।

स्रोतः द सिंगापुर पोष्ट

कुनै पनि मुलुकका प्रमुखको विमानका लागि हवाईक्षेत्र प्रयोग गर्न दिने अन्तर्राष्ट्रिय मापदण्ड अनुसार भारतले अनुमति दिएको पूर्व राजदुतको भनाइ छ । भारतले काश्मिर क्षेत्रमा मानव अधिकार उल्लंघन गरिरहेको भन्दै सन् २०१९ मा अमेरिका र साउदी अरबको भ्रमणका लागि भारतीय प्रधानमन्त्री नरेन्द्र मोदीको विमानलाई पाकिस्तानले आफ्नो हवाइक्षेत्र प्रयोग गर्न अस्वीकार गरेको थियो । विगतमा पाकिस्तानको यस्तो कदमका बावजुद भारतले अन्तर्राष्ट्रिय मूल्य–मान्यता अनुसार निर्णय लिनु सकारात्मक र प्रशंसनीय रहेको पूर्व राजदूत सज्जनहारले टिप्पणी गरेका छन् ।