भारत बायोटेकको ‘कोभ्याक्सिन’ ८१ प्रतिशत प्रभावकारी

काठमाडौं । भारत बायोटेकले तयार पारेको कोरोना भाइरसविरुद्धको खोप ‘कोभ्याक्सिन’ ८१ प्रतिशत प्रभावकारी रहेको पाइएको छ । कम्पनीले बुधबार तेस्रो चरणको परीक्षणको अन्तरिम नतिजा सार्वजनिक गर्दै खोपको प्रभावकारिताबारे जानकारी गराएको हो ।

सरकारले जनवरीको पहिलो सातामा खोपलाई आपतकालीन प्रयोगका लागि स्वीकृतिको अनुमति दिएको थियो । अन्तिम चरणको नतिजा नै नहेरी प्रयोगका लागि स्वीकृति दिइएको भन्दै खोप विज्ञहरुले त्यतिबेला सरकारको विरोध गरेका थिए । यद्यपी प्रधानमन्त्री नरेन्द्र मोदीसहित कयौँ मन्त्रीहरुले कोभ्याक्सिनको डोज लिइसकेका छन् ।

याे खाेप नयाँ प्रजातिकाे काेराेना संक्रमणविरूद्ध पनि प्रभावकारी हुने दाबी गरिएकाे छ । हैदराबादस्थित भारत बायोटेकले यो खोप भारतीय मेडिकल रिसर्च काउन्सिल (आईसीएमआर) को सहयोगमा विकसित गरेको हो ।