आज देशभरका अदालतहरु बन्द
काठमाडौं । सर्वोच्च अदालतले बिहीबार देशभरका अदालतहरु बन्द रहने जनाएको छ ।
पूर्वप्रधानन्यायाधीश सुरेन्द्रप्रसाद सिंहको निधनमा शोक मनाउन फागुन २० गते बिहीबार सर्वोच्च अदालतसहित देशभरका उच्च अदालतल, जिल्ला अदालत, विशेष अदालत एवं अन्य अदालत र न्यायाधीकरणहरु शोक बिदाको रुपमा बन्द रहने सर्वोच्च अदालतका सहप्रवक्ता देवेन्द्र ढकालले जानकारी दिएका छन् ।
पूर्वप्रधानन्यायाधीश सिंहको फागुन १८ गते साँझ ७:३० बजे निधन भएको थियो । उनको निधनबाट न्याय र कानुन क्षेत्रमा उपूरणीय क्षति पुगेको सर्वोच्च अदालतले जारी गरेको विज्ञप्तिमा भनिएको छ ।
सर्वोच्च अदालतको प्रधानन्यायाधीशको रुपमा कार्यरत रहँदा उनले स्वतन्त्र न्यायपालिकाको मूल्यमान्यतालाई स्थापित गर्न एवंम न्याय र कानुनका क्षेत्रमा दख्खल राख्ने निर्भिक, सरल र अन्त्यन्त मिलनसार र अनुभवी न्यायिक व्यक्तित्व भएको विज्ञप्तिमार्फत जनाइएको छ ।
सन् १९९८८ साल फागुन ३ गते सर्लाहीमा जन्मिएका पूर्वप्रधानन्यायाधीश सिंहले २०१० सालदेखि सरकारी सेवा प्रारम्भ गरेका थिए । उनी २०५२ असोज १० देखि २०५३ फागुन ३ गतेसम्म सर्वोच्चको प्रधानन्यायाधीशको रुपमा काम गरेका थिए ।
