भारतको जम्मू–कश्मीरमा आगनवाडी केन्द्रहरु संचालनमा
२२ फाल्गुन २०७७, शनिबार २०:२५
जम्मू–कश्मीर । भारतको जम्मू–कश्मीरस्थित रजौरी जिल्लामा ११ महिनापछि आगनवाडी सेन्टरहरु पुनः सञ्चालनमा आएका छन् । कोभिड–१९ महामारीका कारण विगत ११ महिना देखि बन्द रहेको रजौरी जिल्लास्थित एक हजार छ सय ६९ आगनवाडी सेन्टरहरु पुनः सुचारु भएका हुन् । भारतका बिभिन्न क्षेत्रहरुमा कोभिड–१९ को प्रतिबन्धहरु खुकुलो भएसंगै रजौरीस्थित आगनवाडी सेन्टरहरु पनि पुनः संचालनमा आएका हुन ।
स्रोतः हिन्दुस्तान टाईम्स
भारत सरकारकारले सन् १९७५ देखि बालबालिका विकास सेवा अन्तरगत ग्रामिण क्षेत्रहरुमा विपन्न बालबालिकाहरुका लागि आधारभूत शिक्षा, स्वास्थ्य, खानाको व्यवस्था गरी आगनवाडी कार्यक्रम सञ्चालन गरिरहेको छ । कोभिड–१९ महामारीका समयमा पनि सेन्टरका कार्यकर्ताहरुले मानिसको घर–घरमा गएर आवश्यक औषधी, खाना प्रदान गरेको रजौरीस्थित आगनवाडी कार्यक्रमका अधिकारीले बताएका छन् ।
कोभिड–१९ महामारीका समय शिक्षाबाट वञ्चित भएका विपन्न बालबालिका तथा अभिभावकहरु आगनवाडी सेन्टरहरु पुनः सुचारु भएपछि खुःसी भएको एक कार्यकर्ताले बताए ।
