गठबन्धन सरकार अस्वीकार गरी कांग्रेसले अब चुनाव राेज्नुपर्छ : कमल थापा

राप्रपा अध्यक्ष कमल थापाले गठबन्धन सरकारको प्रस्ताव अस्वीकार गरी कांग्रेसले चुनावको बाटो खोलिदिनुपर्ने बताएका छन् । नेकपाबारे सर्वोच्च अदालतको पछिल्लो फैसलापछि केपी ओली नेतृत्वको सरकार अल्पमतमा परेको दाबी गर्दै पूर्वउपप्रधानमन्त्री थापाले कांग्रेसले गठबन्धन सरकार बनाउन अस्वीकार गर्नुपर्ने बताएका हुन् ।

अब ओली नेतृत्वको सरकारले विश्वासको मत लिने वा राजीनामा गर्नुपर्ने उनको भनाइ छ । ट्विटरमा उनले लेखेका छन्, ‘नेकपासम्बन्धी सर्वोच्च अदालतको पछिल्लो निर्णयपछि प्रधानमन्त्री केपी ओली नेतृत्वको सरकार अल्पमतमा परेको छ । अब प्रधानमन्त्रीले संसदमा विश्वासको मत लिनुपर्छ वा राजीनामा दिनुपर्छ । यस अवस्थामा अपवित्र गठबन्धन बनाएर सरकार बनाउन अस्वीकार गरी कंग्रेसले नयाँ चुनावको बाटो खोलिदिनुपर्छ ।’