Lifestyle Portal
  •   १८ मंसिर २०७९, आईतवार

म नेकपाको साधारण सदस्य पनि हाेइन : प्रधानमन्त्री ओली

२४ फाल्गुन २०७७, सोमबार १७:३९

लोकप्रिय

काठमाडौं । प्रधानमन्त्री केपी शर्मा ओलीले आफू नेकपाको साधारण सदस्य पनि नभएको बताएका छन्। अन्तराष्ट्रिय नारी दिवको अवसरमा आयोजना गरेको कार्यक्रममा सम्बोधन गर्दै उनले अदालतले आफू कुन पार्टीको भन्ने खुलाएको बताए।

प्रधानमन्त्री ओलीले भने, ‘हिजो मलाई सोध्दै थिए। प्रधानमन्त्री कुन पार्टीको। म आज भन्दै छु अदालतलाई सोध्नुहोस्।’ आफूलाई प्रचण्ड–नेपाल समूहले साधारण सदस्यबाट हटाएको कुरा स्मरण गर्दै प्रधानमन्त्रीले भने, ‘म नेकपाको साधारण सदस्य पनि हाेइन।’

प्रतिनिधिसभा पुन:स्थापनापछि पहिलो दिन बसेको प्रतिनिधिसभा बैठकमा प्रचण्ड–नेपाल समूहले देखाएको व्यवहारको बारेमा टिप्पणी गर्दै उनले भने, ‘धामी नाच नाचेको हो कि, बैठक बसेको हो कि , माननीय भन्ने शब्द प्रयोग हुने व्यक्तिहरुले माननीय शब्दको अनर्थ लाग्ने गरी व्यवहार गरे।’

निर्वाचनमा जान नदिएकाहरुले नै संसदलाई चलाउन नसकेको उनको भनाइ छ। उनले भने, ‘कोही बाहिर गए, कोही नारा जुलुस गर्ने, एसिड आक्रमण विरुद्धको विधेयक पास हुन नदिने सेटिङ मिलाएका हुन्।’

ओलीले आफूलाई संसदको, देशको, सांसदको गरिमाका बारेमा चिन्ता लागेको बताए। ‘मेरै मेख मार्न पनि हिजो चुप्प लाग्न सक्नु पथ्र्याे। हामीले मुद्धा जितेर संसद पुन:स्थापना भएपछि हिजो त चुप लाग्न सक्छु पथ्र्यो। देख्नु भएन हिजोको काम मैले यही हुन्छ भनेर नै संसद विघटन गरेको हुँ।’

महिलाको संम्पत्तिमा पहुँच पु-याउनु पर्ने उनले जोड दिए। श्रीमानबाट तोक आदेश लगाउने भन्दा आफ्नो हिसाबले महिलालाई चल्न दिनुपर्छ। ‘छोरालाई राम्रो बोर्डिङ र छोरीलाई कमशल स्कुलमा पढाउने । यो विभेद छोड्नु पर्छ। आमाहरुको पनि बानी छ छोरा, छोरा भन्ने त्यो कुरा छोड्नु प¥यो। अब आमाले पनि छोरी छोरा भन्न सिक्नु प-यो,’ प्रधानमन्त्री ओलीले भने।

‘महिलाले पनि बोल्न जान्नु हुँदो रहेछ। आज त झिल्का उडाउनु भयो त। यो नारी दिवसका दिनमात्र किन यसो। अरु दिनमा पनि आउनु प-यो। अरु दिनमा किन महिला बक्ता हुँदैनन्। सामाजिक जागरको तह माथि उठाउन सरकारले सचेत प्रयास गर्ने छ,’ ओलीले भने।

हरेकले महिला हिंसा गर्दिन र अरुले गरेको पनि सशन्न किन भने यो असभ्यता हो, यसबाट हामी अलग रहनु पर्छ भन्ने शिक्षा सबैले लिनु पर्ने ओलीकाे भनाइ थियाे।

प्रतिक्रिया दिनुहोस !
सम्बन्धित खबरहरु

काठमाडौ – काठमाडौ क्षेत्र नम्बर १ का घण्टिबहाक उम्मेदवार पुकार बमलाइ भोट माग्न चलचित्र निर्देशक प्रदिप भट्टराई र निर्माता रविन्द्र

नेपालका लागि भारतीय राजदूत नवीन श्रीवास्तवले आज आयोजित एक समारोहबीच निर्वाचन आयोगका प्रमुख निर्वाचन आयुक्त दिनेश कुमार थपलियालाई भारत सरकारको

नेपालका लागि भारतीय राजदूत महामहिम नवीन श्रीवास्तवले आज आयोजित एक समारोहबीच नेपालका माननीय अर्थमन्त्री जनार्दन शर्मालाई भारत सरकारको तर्फबाट २००

त्रिमूर्ति निकेतनका संस्थापक तथा अध्यक्ष इन्दिरा प्रसाईको अध्यक्षतामा २०७१ साल वैशाख ३० गते बसेको निकेतनको साधारणसभाले नेपाली साहित्यका महारथी डा.सत्यमोहन