Lifestyle Portal
  •   १० जेष्ठ २०७९, मंगलवार

राजेन्द्र महतोको प्रश्‍न – ठग्‍नेबाहेक अरु काम नगर्ने केपी ओलीलाई समर्थन गर्न जन्मिएको हो हामी ?

२६ फाल्गुन २०७७, बुधबार २१:१५

काठमाडौं । जनता समाजवादी पार्टीका वरिष्ठ नेता राजेन्द्र महतोले आफूहरु सरकारलाई समर्थन गर्न मात्र नजन्मिएको टिप्पणी गरेका छन् ।

बुधबार संसद् बैठकबाट बाहिरिने क्रममा सञ्‍चारकर्मीहरुसँग कुरा गर्दै वरिष्ठ नेता महतोले आफूहरुले यसअघि नै ओलीलाई समर्थन गरेर फिर्ता गरिसकेका कारण तत्काल यतिकै ओलीलाई समर्थन गरिहाल्ने स्थिति नभएको बताएका छन् ।

उनले प्रश्‍न गरेका छन्, “केपीलाई समर्थन गरेर हेरिसकेको होइन ? फेरि समर्थन गर्ने ? के हामी यिनीहरुलाई नै समर्थन गर्नकै लागि जन्मिएको हो ?”

उनले शासक सम्भ्रान्तहरुलाई सित्तैमा समर्थन गर्न नसकिनेसमेत उनले बताएका छन् । उनले थपे, “हाम्रा मागहरु पूरा गर्न गर्नुपर्‍यो नी । माग पूरा गरेमात्रै हाम्रो सरकारप्रति सहानुभूति हुन्छ । रेशम चौधरीलगायतका मुद्दा फिर्ता, मधेस-थरुहटलगायतका मुद्दा फिर्ता, संविधान संशोधनलगायतका मागहरु पूरा गर्नुपर्‍यो ।”

केपी ओलीले ठग्‍नेबाहेक अरु केही नजानेसमेत उनले टिप्पणी गरेका छन् । उनले भनेका छन्, “केपी ओलीले ठग्‍नबाहेक अरु केही जानेको छ ? केपी ओलीको नाउँ लिनहुन्छ ? माग पूरा गर्नुपर्‍यो नी । कार्यदल त सबैसँग संवाद गर्नका लागि बनाइएको हो ।”

आफूहरुलाई सत्तामा पुग्‍ने भर्‍याङ बनाएको तर माग पूरा नगरेको उल्लेख गर्दै उनले भने, “अब माग पूरा गर्नुपर्छ । धोकाधडी चल्दैन । हुन्छ बहादुर भएर हुँदैन अब गर्छुबहादुर हुनुपर्‍यो ।”

प्रतिक्रिया दिनुहोस !
सम्बन्धित खबरहरु

मतगणनाको पहिलो दिन थियो । सबै मतपेटिका सभा गृहमा ल्याइ सकिएको थियो । र, मतगणनाका लागि नियम बनाउन तथा सबै

वीरगञ्जको कायापलट गर्ने सपना पहिलो चरणमा सार्थक भएको आभाष गरेको छु । सपनालाई सार्थक बनाउने श्रेय म सम्पूर्ण वीरगञ्ज महानगरकावासी,

काठमाडौं महानगरको मेयर पदका लागि लौरो चिन्ह लिएर स्वतन्त्र उम्मेदवारी दिएका बालेन साह दुवै प्रतिद्वन्द्धिहरुविरुद्ध आज विहानसम्म पनि अत्याधिक मतले

काठमाण्डौ (मंगलबार ११ः२० बजे) । देशको राजधानी काठमाण्डौ महानगरपालिकाको मेयर पदका लागि स्वतन्त्रतर्फबाट उम्मेदवारी दिएका बालेन शाहले जारी मतगणनाको ताजा