Lifestyle Portal
  •   २३ जेष्ठ २०८०, मंगलवार

मोहन वैद्यले भने- नेपालमा शान्तिको सम्भावना छैन, फेरि बन्दुक उठ्छ

१ चैत्र २०७७, आईतवार २३:३०


नेपाल कम्युनिष्ट पार्टी (क्रान्तिकारी माओवादी) का महासचिव मोहन वैद्यले नेपालमा शान्तिको सम्भावना नरहेको बताएका छन् ।

आइतबार नेकपा (क्रान्तिकारी माओवादी) सम्बद्ध जनवर्गीय संगठन तथा मोर्चाहरूले काठमाडौंको शान्तिबाटिकामा आयोजना गरेको विरोधसभालाई सम्बोधन गर्दै महासचिव वैद्यले नेपालमा क्रान्ति पूरा नभएकाले शान्तिको सम्भावना नरहेको बताएका हुन् ।

क्रान्ति गरेपछि मात्रै शान्ति आउने भन्दै उनले नेपालमा बन्दुक उठ्ने चेतावनी दिए ।

प्रधानमन्त्री केपी शर्मा ओलीले केही समयअघि सबै पार्टीहरू संसदवादी मुलधारमा आएको अभिव्यक्ति दिएकोप्रति टिप्पणी गर्दै महासचिव वैद्यले क्रान्तिकारीहरू संसदवादी मुलधारमा नभएको र आफूहरूले वर्तमान व्यवस्था नमान्ने पनि बताए ।

‘प्रधानमन्त्रीले सबै संसदवादी मुलधारमा आए भनेर झुठ बोल्नु भयो । हामी यो व्यवस्थालाई मान्दैनौँ । त्यसैले संसदीय मुलधारमा जाने कुरा आउँदैन । अब फेरि क्रान्ति गर्नुपर्छ,’ उनले भने ।

वैद्यले प्रधानमन्त्री ओलीले अब शान्तिको नयाँ युग सुरु भयो भनेर झुठ बोलेको बताए । ‘विप्लवजीहरूले सम्झौता गर्न बित्तिकै शान्तिको युग प्रधानमन्त्रीजीले भनेजस्तो सुरु भएको छैन,’ उनले भने ।

वैद्यले शान्तिको युग क्रान्ति गरेपछि आउने पनि बताए । ‘सत्ताधारी वर्गले जनतालाई शोषण, उत्पीडन, दमन गर्ने कम्युनिष्ट नामधारीहरू शहिदको रगतको आहालमा डुबेर सत्तामा जाने अनि शान्ति कसरी हुन्छ ? शान्तिको युग क्रान्ति गरेपछि आउँछ । बन्दुक उठाएपछि के हुन्छ ? बन्दुक उठ्छ,’ उनले भने ।

महासचिव वैद्यले मजदुर, किसान, महिला, दलित, आदिबासी जनजाति, मधेसीलगायतको समस्या समाधान नभएकाले समस्या समाधानका लागि क्रान्तिको तयारी गर्नुुपर्ने बताए ।

प्रतिक्रिया दिनुहोस !
सम्बन्धित खबरहरु

काठमाडौँ । काठमाडौँ महानगरपालिकाले ठूला अस्पतालहरुमा लक्षित वर्ग निःशुल्क उपचार अवस्थाको अनुगमन सुरु गरेको छ । यस क्रममा स्वास्थ्य विभागका

काठमाण्डौ । काठमाण्डौमा गत आइतबार सम्पन्न भारतको प्रतिष्ठित ‘क्याप्टिभेटिङ क्रिएसन अवार्ड २०२३’को छैठौं संस्करणमा वरिष्ठ कलाकार हरिवंश आचार्य, विशिष्ट संगीतकार

भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ र भारतकी राष्ट्रपति द्रौपदी मुर्मूसँग शिष्टाचार भेटवार्ता भएको छ । भारतको राष्ट्रपति भवनमा

भारतको चारदिने औपचारिक भ्रमणमा रहनुभएका प्रधानमन्त्री पुष्पकमल दाहाल ‘प्रचण्ड’ र भारतका उपराष्ट्रपति जगदीप धनखडसँग शिष्टाचार भेटवार्ता भएको छ । भारतको