Lifestyle Portal
  •   १४ जेष्ठ २०७९, शनिबार
resham chaudhari

जेलबाटै रेशमले भने – सरकारमा सहभागी हुने कुरा मेरो एकल प्रयासले सम्भव छैन

१२ चैत्र २०७७, बिहीबार २१:४०

काठमाडौं । टीकापुर घटनाका योजनाकार रेशम चौधरीले जनता समाजवादी पार्टी सरकारमा सहभागी हुने-नहुने कुरा आफ्नो एकल प्रयासबाट सम्भव नहुने बताएका छन् ।
डिल्लीबजार कारागारमा रहेका रेशमले लेखेको हस्तलिखित एक पत्रमा उनले भनेका छन्, “सरकारमा सहभागी हुने, नहुने निर्णय मेरो एकल प्रयासले सम्भव हुने कुरा होइन, त्यो पार्टीको निर्णय होला ।”

उक्त पत्र जसपाका वरिष्ठ नेता राजेन्द्र महतोले आफ्नो सामाजिक सञ्‍जाल फेसबुकमा राखेका छन् ।

पार्टीले गर्ने निर्णयमा आफू बाधक नबन्‍नेसमेत जनाएका छन् । उनले भनेका छन्, “पार्टीको विधि, पद्धती र प्रक्रियाअनुसार अध्यक्ष महन्थ ठाकुरले काम गरि नै रहनुभएको छ । मेरो दलका अन्य नेताले मप्रति देखाएको सदासयताप्रति म खुसी छु ।”

जनता समाजवादी पार्टीको पूर्वराजपा समूहले रेशम रिहाइको माग राख्दै प्रधानमन्त्री केपी शर्मा ओलीसँग वार्ता गरिरहेको छ । रेशम रिहाइ, मधेस र थरुहट आन्दोलनका मुद्दा फिर्ता लगायतका माग राखेर जसपाको पूर्वराजपा समूहले सरकारमा सहभागी हुने विषयमा वार्ता गरिरहेको छ ।
दुबै पक्षले वार्ता सकारात्मक भएको बताइरहेका छन् । बुधबार रेशम चौधरीलाई भेट्‍न जसपाका वरिष्ठ नेता राजेन्द्र महतो डिल्लीबजार कारागार पुगेका थिए ।

जसपाका संघीय परिषद् अध्यक्ष डा. बाबुराम भट्टराई र अध्यक्ष उपेन्द्र यादवले भने कुनै पनि हालतमा प्रधानमन्त्री ओलीसँग सत्ता सहकार्य गर्न नसकिने अडान राखिरहेका छन् ।

प्रतिक्रिया दिनुहोस !
सम्बन्धित खबरहरु

स्थानीय तह निर्वाचन २०७९ मा ६८ हजार ६१२ मत प्राप्त गरेर भारी मतान्तरले उपमेयरमा बिजयी भएकी नेकपा एमालेकी सुनिता डंगोलले

काठमाडौं । देशको राजधानी काठमाडौं महानगरपालिकाले मेयरको रुपमा लौरो चिन्ह प्राप्त गरी स्वतन्त्र उम्मेदवारी दिएका बालेन्द्र साह (बालेन)लाई मेयरको रुपमा

स्वामी विवेकानन्द सांस्कृतिक केन्द्र, काठमाडौं र राष्ट्रिय साहित्य प्रतिष्ठानको संयुक्त आयोजनामा भारतीय कवि नरेश शांण्डिल्यको स्वागत सम्मान तथा नेपाल-भारत कविता

विवेकशील साझा पार्टिको अध्यक्ष पदबाट रविन्द्र मिश्रले राजिनामा दिनुभएको छ । आज सामाजिक सञ्जालमा प्रेस विज्ञप्ती जारी गर्दै मिश्रले राजिनामा