उत्तर कोरियाद्वारा फेरि प्रतिबन्धित ब्यालेस्टिक मिसाइल प्रहार


प्योयाङ । उत्तर कोरियाले फेरि दुईवटा प्रतिबन्धित ब्यालेस्टिक मिसाइल प्रहार गरेको छ । अमेरिकी र जापानले जापनी समुद्रतर्फ दुईवटा प्रतिबन्धित ब्यालेस्टिक मिसाइल प्रहार गरेको जनाएका छन् ।

उक्त मिसाइललाई संयुक्त राष्ट्रसंघ सुरक्षा परिषद्‌ले खतरापूर्ण हतियार भन्दै परीक्षण र प्रक्षेपणमा प्रतिबन्ध लगाएको थियो । जापानले आफ्नो क्षेत्रको समुद्रमा भने नपरेको जानकारी दिएको छ ।

यसअघि एलो सीमा दुईवटा छोटो दूरीका नन-ब्यालेस्टिक मिसाइल प्रहार गरेको थियो । जापानी प्रधानमन्त्री यशोहिडे सुगाले बिहीबार यसले उत्तर कोरिया र क्षेत्रीय रुपमा नै सुरक्षा र शान्तिमा खतरा पैदा गरेको बताएका छन् ।

अमेरिकी राष्ट्रपति बाइडेनले भने पछिल्लो ब्यालेस्टिक मिसाइल प्रहारका विषयमा भने कुनै प्रतिक्रिया दिएका छैनन् । यसअघि प्रहार गरेका दुईवटा नन-ब्यालेस्टिक मिसाइलका विषयमा भने बाइडेनले आफू कुनै उक्साहटमा नलाग्‍ने बताएका थिए ।

अमेरिकी सुरक्षा संयन्त्रले भने उक्त नन-ब्यालेस्टिक मिसाइल प्रहारलाई समान्य र नियमित भएको बताएको थियो । – बीबीसी


Loading comments...