प्रचण्ड भन्छन्– महन्थजी हामी दुबै पीडित हो, पीडित पीडित मिलौँ

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अहिले प्रधानमन्त्री केपी ओलीको गुटका मान्छे जेलमा गएर रेशम चौधरीलाई भेटेको बताए । तर, सबैभन्दा अफ्ठेरो स्थितिमा आफू रेशम चौधरीलाई भेट्न जेल गएको र त्यो कुरा महन्थ ठाकुरलाई पनि थाहा भएको उनको भनाइ थियो ।

उनले आफू पनि पीडित भएको बताए । ‘ममाथि मुद्दा छैन ? मेरा साथीहरु जेलमा छैनन् भन्ने ठान्नु भएको छ महन्थ जी ?’ उनले भने, ‘त्यसैले तपाईं पनि पीडित म पनि पीडित, हामी पीडित पीडित मिल्ने हो ।’

शनिबार प्रज्ञा डबलीमा आयोजित कार्यक्रममा प्रचण्डले संविधान पूर्ण नभए पनि शक्ति सन्तुलनका दृष्टिले आफूले संविधान स्वीकार गरेको पनि बताए ।

प्रचण्डले नागरिक अगुवालाई आन्दोलनमा अघि लाग्न आग्रह पनि गरे । ‘तपाईंहरू अघि लाग्नुस,’ उनले भने, ‘म पछिपछि आउनेछु ।’