राज्यविरुद्धको संगठित अपराध मुद्दामा ३५ दिनभित्र हाजिर हुन सीके राउतलाई अदालतको सूचना
१६ चैत्र २०७७, सोमबार ११:५३
सीके राउतलाई ३५ दिनभित्र अदालतमा उपस्थित हुन नवलपरासी जिल्ला अदालतले सूचना जारी गरेको छ । जिल्ला अदालत नवलपरासीले सीके राउत भन्ने डा. चन्द्रकान्त राउतलाई राज्यविरुद्धको संगठित अपराधसम्बन्धी मुद्दामा ३५ दिनभित्र अदालतमा उपस्थित हुन सूचना जारी गरेको हो ।
अदालतले जारी गरेको सूचनामा सीके राउतको ठेगाना ‘जिल्ला रौतहट महादेव गाउँपालिका– २ घर भई हाल जिल्ला धनुषाको जनकपुर उपमहानगरपालिका– ८ डेरा गरी बस्ने’ भनिएको छ ।
आज प्रकाशित सूचनामा बाटोको म्यादबाहेक ३५ दिनभित्र आफ्नो सवुत प्रमाण लिई हाजिर हुन आउन भनिएको छ । म्यादभित्र हाजिर हुन नआए कानुनबमोजिम हुने अदालतले जारी गरेको सूचनामा उल्लेख छ ।
