योगेश भट्टराईले भने – कारबाहीको परिणाम उल्टो हुने निश्चित छ
एमाले अध्यक्ष केपी शर्मा ओलीले वरिष्ठ नेता माधव नेपाल र उपाध्यक्ष भीम रावललाई निलम्बनको कारबाही गरेपछि त्यसलाई नेपाल समूहका नेताहरूले प्रतिवाद गरेका छन् ।
नेकपा एमालेका सचिव योगेश भट्टराईले अध्यक्ष केपी ओलीले नेता नेपाल र रावललाई गरेको कारबाही उल्टिने बताएका हुन् । ट्वीटमार्फत उनले कारबाही कमजोर सत्ताको अस्त्र भएको बताए । उनले यो निर्णयबाट फर्किन पनि ओलीलाई आग्रह गरेका छन् ।
‘कारबाही र सजाय कमजोर शत्ताको अन्तिम अस्त्र हो । परिणाम उल्टो हुने निश्चित छ । फर्कनु नै कल्याण हुने छ’ उनले भनेका छन् ।
अध्यक्ष ओलीले सोमबार नेता नेपाल र रावलले बुझाएको स्पष्टीकरण चित्त बुझ्दो नभएको भन्दै ६ महिनाका लागि दुवै नेतालाई पार्टीको साधारण सदस्यसमेत नरहेन गरी निलम्बन गरेका थिए ।
