साउन १ देखि सामाजिक सुरक्षा भत्ता बढ्छ, कसैलाई निद्रा लाग्दैन भने नलागोस् : प्रधानमन्त्री


काठमाडौं । प्रधानमन्त्री केपी शर्मा ओलीले आगामी आर्थिक वर्षबाट सामाजिक सुरक्षा भत्ता बढाउने घोषणा गरेका छन् ।

रिपोर्टर्स क्लवको वार्षिकोत्सव कार्यक्रममा बोल्दै प्रधानमन्त्री ओलीले कसैलाई आपत्ति लागे पनि सामाजिक सुरक्षा भत्ता बढाउने घोषणा गरेका हुन् ।

उनले भने, “सामाजिक सुरक्षा भत्ता साउन १ गतेबाट बढ्छ । यो सुन्दा मान्छेहरूलाई अर्को छट्पटी सुरु होला । कसैलाई आपत्ति लाग्छ भने लागोस् । कसैलाई निद्रा लाग्दैन भने नलागोस् ।”

प्रधानमन्त्री ओलीले आफ्नो दलले सामाजिक सुरक्षाका विषयमा धेरै कामहरू गरेको दाबी गर्दै आएको पहिलो वर्षमै सामजिक सुरक्षा भत्ता बढाएको स्मरण गरे ।


Loading comments...