काठमाडौं । प्रहरीले एटिएम ह्याक गरी रकम निकाल्ने एक चिनियाँ नागरिकलाई पक्राउ गरेको छ । विभिन्न बैङ्कको एटिएम बुथबाट अनाधिकृतरुपमा रकम झिकेको भन्दै महानगरीय प्रहरी परिसर काठमाडौंले चिनियाँ नागरिकलाई पक्राउ गरेके हो । पक्राउ पर्नेमा काठमाडौंको ज्याठाबाट २९ वर्षीय चिनियाँ नागरिक योङ छियालोङ रहेका छन् ।

ज्याठामा रहेको मेगा बैङ्कको एटिएम बुथभित्र पसेर एटिएम मेशिन ह्याक गरी रकम झिक्न लाग्दै गर्दा उनलार्ई नियन्त्रणमा लिएको महानगरीय प्रहरी परिसर काठमाडौँका एसपी रमेश कुमार बस्नेतले जानकारी दिए । उनी केही समयदेखि ज्याठाको एक होटेलमा कोठा लिई बस्दै आएका थिए ।