Lifestyle Portal
  •   ११ मंसिर २०७९, आईतवार

चीनले दिएको कोरोनाविरुद्धको खोप कसलाई लगाइन्छ ?

१९ चैत्र २०७७, बिहीबार ०६:२०

लोकप्रिय

काठमाडौं । चीनले नेपाललाई अनुदानमा दिएको कोरोना भाइरसविरुद्धको भेरोसेल खोप ४० देखि ५९ वर्ष उमेर समूहलाई लगाइने भएको छ ।

स्वास्थ्य तथा जनसंख्या मन्त्रालयले ४० देखि ५९ वर्ष उमेर समूहका नागरिकलाई खोप दिने तयारी गरेको मन्त्रालयका प्रवक्ता प्राध्यापक डाक्टर जागेश्वर गौतमले जानकारी दिए । तर, कहिलेदेखि लगाउन सुरु गरिन्छ भन्‍ने विषयमा भने केही जानकारी दिएको छैन ।

चीनले नेपाल सरकारलाई ८ लाख डोज खोप अनुदानमा दिएको थियो । उक्त खोप नेपाल सरकारले विमान पठाएर चैत १६ गते सोमबार नेपाल ल्याएको थियो ।

चीनले दिएको कोरोना भाइरसविरुद्धको खोप पनि दुई मात्रा लगाउनुपर्ने हुन्छ । यसअघि नेपालमा कोरोना भाइरसविरुद्धको भारतबाट ल्याइएको ‘कोभिशिल्ड’ खोप लगाइँदै आएको छ ।

भारतले नेपाल सरकारलाई १० लाख डोज खोप अनुदानमा उपलब्ध गराएको थियो भने १० लाख डोज खोप नेपाल सरकारले खरिद गरेको थियो । थप, १० लाख डोज खोप भारतले थप दिन बाँकी छ । हाल भारतले कोभिशिल्ड खोप निर्यातमा प्रतिबन्ध लगाएको छ ।

यस्तै स्वास्थ्य मन्त्रालयले ७७ वटै जिल्ला प्रशासन कार्यालयका प्रमुखलाई भेला, सभा जुलुस रोक्न अनुरोध गरेको छ । प्रवक्ता गौतमले नयाँ प्रजातिको कोरोना भाइरसको संक्रमण फैलिँदै गएको भन्दै जिल्लाभित्र भेला, सभा जुलुस रोक्न प्रमुख जिल्ला अधिकारीलाई विशेष अनुरोध गरेको जानकारी दिए ।

यस्तै काठमाडौं उपत्यका प्रवेश गर्ने नाकामा एन्टीजेन परीक्षण गर्ने तयारी गरिएको छ । यसैगरि विभिन्‍न प्रवेश बिन्दुबाट छिर्नेलाई होम क्वारेन्टिनमा बस्‍न र जनस्वास्थ्यका मापदण्ड पालना गर्न पनि मन्त्रालयले आग्रह गरेको हो ।

कोरोना परीक्षण गर्ने सरकारी तथा निजी प्रयोगशालालाई तयारी अवस्थामा राख्‍ने र दुई हजार एसबीयू बेड स्थापना गर्ने निर्णय पनि मन्त्रालयले गरेको छ ।

प्रतिक्रिया दिनुहोस !
सम्बन्धित खबरहरु

काठमाडौ – काठमाडौ क्षेत्र नम्बर १ का घण्टिबहाक उम्मेदवार पुकार बमलाइ भोट माग्न चलचित्र निर्देशक प्रदिप भट्टराई र निर्माता रविन्द्र

नेपालका लागि भारतीय राजदूत नवीन श्रीवास्तवले आज आयोजित एक समारोहबीच निर्वाचन आयोगका प्रमुख निर्वाचन आयुक्त दिनेश कुमार थपलियालाई भारत सरकारको

नेपालका लागि भारतीय राजदूत महामहिम नवीन श्रीवास्तवले आज आयोजित एक समारोहबीच नेपालका माननीय अर्थमन्त्री जनार्दन शर्मालाई भारत सरकारको तर्फबाट २००

त्रिमूर्ति निकेतनका संस्थापक तथा अध्यक्ष इन्दिरा प्रसाईको अध्यक्षतामा २०७१ साल वैशाख ३० गते बसेको निकेतनको साधारणसभाले नेपाली साहित्यका महारथी डा.सत्यमोहन