ह्वाइट हाउसमा जो बाइडेनले पालेका कुकुरले कर्मचारी टोक्न थालेपछि
१९ चैत्र २०७७, बिहीबार ०६:२८
वाशिंटन । मार्च महिनाको सुरुमा भएको त्यस्तै एक घटनापछि डेलावेयरमा प्रशिक्षणबाट फर्किएकाे केही दिनपछि नै ह्वाइट हाउसको कुकुरले मेजरले फेरि अर्का कर्मचारीलाई टोकेको छ ।
अमेरिकी प्रथम महिला जिल बाइडेनकी प्रवक्ताका अनुसार सावधानी नअपनाइ काम गरिरहेका एक व्यक्तिलाई कुकुरले टोकेको हो । ह्वाइट हाउसमा जो बाइडेनले पालेका दुई वटा जर्मन सेफर्डमध्ये मेजर एक हो । मेजर ह्वाइट हाउसको पहिलो रेस्क्यु कुकुर पनि हो ।
प्रवक्ता मिचेल लारोजाले सोमबार भएको घटनाबारे बोल्दै भनिन्, ‘मेजर अझै पनि आफ्नो नयाँ परिवेशमा घुलमिल हुन खोज्दैछ ।’
सिएनएनको रिपोर्टअनुसार नेसनल पार्क सेवाका कर्मचारीलाई ह्वाइट हाउसको दक्षिणतर्फको भागमा कुकुरले टोकेको थियो । मेजर र च्याम्प दुवै बाइडेनका ३ वर्षका कुकुर हुन् । यी दुवैलाई मार्च ८ मा एक व्यक्तिलाई टोकेपछि डेलावयरको विल्मिंगटन पठाइएको थियो । मार्च ८ मा मेजरले ह्वाइट हाउसका एक सुरक्षा सदस्यलाई टाेकेकाे थियाे ।
