अष्ट्रेलिया पठाईदिन्छु भन्दै ९ लाख ठगी गर्ने पक्राउ


काठमाडौँ । अष्ट्रेलिया पठाईदिन्छु भन्दै ठगी गरेको आरोपमा एक जना पक्राउ परेका छन् । बिहिबार काठमाडौँको मनमैजुका २३ बर्षिय अमित भुजेललाई प्रहरीले माछापोखरीबाट पक्राउ गरेको हो ।

उनले अष्ट्रेलिया पठाईदिन्छु प्रतिव्यक्ति ६ लाख लाग्छ भन्दै जम्मा नौ लाख रुपैंया ठगी गरेको पाइएको छ ।

भुजेलले छोटो समय 457 भिषामा २/२ वर्ष कामको लागि १०५ दिनभित्र अष्ट्रेलिया पठाईदिन्छु,प्रतिव्यक्ति ६ लाख लाग्छ भन्दै जम्मा नौ लाख रुपैंया ठगी गरेको भन्दै काठमाडौं गोकर्णेश्वका एरिक न्यौपाने र निर्देश खड्काले महाशाखामा पेश गरेको जाहेरीको आधारमा पक्राउ गरिएको महानगरीय अपराध महाशाखाले जनाएको छ ।

महाशाखाबाट खटिएको प्रहरी टोलीले उनलाई पक्राउ गरेर अनुसन्धान एवं कारबाहीको लागी महानगरीय प्रहरी परिसर काठमाण्डौं पठाईएको छ ।


Loading comments...