प्रधानमन्त्रीको राजीनामा माग्‍ने कांग्रेसको निर्णय


काठमाडौं । प्रमुख प्रतिपक्षी नेपाली कांग्रेसले प्रधानमन्त्री केपी शर्मा ओलीको राजीनामा माग्ने निर्णय गरेको छ । पार्टी केन्द्रीय कार्यालय सानेपामा शुक्रबार बसेको केन्द्रीय कार्यसमिति बैठकले प्रधानमन्त्री ओलीको राजीनामा माग्ने निर्णय गरेको हो ।

केन्द्रीय कार्यसमिति बैठकले प्रधानमन्त्री ओलीको राजीनामा माग्ने निर्णय गरेको केन्द्रीय सदस्य डा. डिला संग्रौलाले जानकारी दिइन् ।

“प्रधानमन्त्रीले पुस ५ गते गरेको संसद् विघटनलाई हामीले असंवैधानिक भनेको थियौं । सर्वोच्चले त्यो असंवैधानिक निर्णय खारेज गरेपछि कांग्रेसले अब प्रधानमन्त्रीबाट मार्ग प्रसस्त हुनुपर्छ भनेको थियो,” उनले भनिन् “बैठकले प्रधानमन्त्रीको राजीनामा माग्ने निर्णय गरेको छ ।”

केन्द्रीय सदस्य डा. संग्रौलाले आफ्नै नेतृत्वको सरकार गठन गर्न अग्रसरता लिने निर्णय गरेको पनि जानकारी दिइन् ।


Loading comments...