अब छिट्टै नयाँ सरकार गठन हुन्छ : अध्यक्ष प्रचण्ड

काठमाडौं । सत्ता साझेदार नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल प्रचण्डले अब छिट्टै नयाँ सरकार गठन हुने बताएका छन् । शनिबार कपिलबस्तुमा जिल्लास्तरीय प्रशिक्षण तथा पार्टी प्रवेश कार्यक्रमा उनले मुलुकको राजनीतिले कोल्टे फेरेको बताएका हुन् ।

उनले भने, ‘हिजोदेखि देशको राजनीति फेरियो कोल्टे फेर्यो, काँग्रेसको निर्णयपछि अब छिट्टै अब नयाँ सरकार बन्छ ।’ शुक्रबार काँग्रेस केन्द्रीय समिति बैठकले प्रधानमन्त्री केपी शर्मा ओलीको राजीनामा माग्दै आफ्नै नेतृत्वमा वैकल्पिक सरकार बनाउन अग्रसरता दिने निर्णय लिएको थियो ।

पुर्वप्रधानमन्त्री समेत रहेका प्रचण्डले प्रधानमन्त्री केपी ओलीलाई सामन्तवादको एजेण्टको रुपमा टिप्पणी गर्दै उनीबाट विकास र समृद्धि सम्भव नभएको लारोप लगाए । उनले जनता समाजवादी पार्टी (जसपा)ले मधेस विरोधी तत्वसँग साँठगाँठ नगर्न आग्रह समेत गरेका छन् ।