दक्षिण एसियामै नेपालमा महिलाहरुका लागि सुरक्षित सामाजिक सञ्जाल : भारतीय अध्ययन
काठमाण्डौ । नेपालमा सामाजिक सञ्जाल महिलाहरुका लागि दक्षिण एसियामै सर्वाधिक सभ्य र सुरक्षित राष्ट्रको रुपमा रहेको तथ्य भारतमा हालै भएको एक अध्ययनले जनाएको छ । सोसल मिडिया अर्गनाइजेसन डिसइन्फोले सार्वजनिक गरेको एक प्रतिवेदन अनुसार नेपालमा सामाजिक सञ्जाल महिलाहरुका लागि सुरक्षित भएको पाइएको हो ।
अन्तर्राष्ट्रिय महिला दिवसको अवसरम सार्वजनिक गरेको उक्त प्रतिवेदनमा दक्षिण एसियामा सामाजिक सञ्जालमा महिला कति सुरक्षित भन्दै अध्ययन गरिएको थियो । ‘होल्डिङ अप हाफ द स्काइ ? हाउ होसाइल द साउथ-एसियन सोसल मिडिया स्पेस फर वुमन’ शीर्षकमा गरिएको उक्त अध्ययनमा महिलाहरुलाई सामाजिक सञ्जालमा गरिने दुर्व्यवहार र दुर्व्यवहारको प्रकृतिबारे अनुसन्धान गरिएको हो ।
प्रतिवेदन अनुसार अन्य मुलुकको तुलनामा नेपाली पुरुषहरुले सामाजिक सञ्जालमा महिलाहरुलाई अश्लिल शब्दहरुको कम प्रयोग गर्ने गरेको तथ्य पत्ता लागेको छ । दक्षिण एसियाभर सामाजिक सञ्जालमार्फत महिलालाई अश्लिल शब्द लेख्ने, गाली गलौजको भाषा प्रयोग गर्ने देशहरुमा सर्वाधिक बढी भारत, त्यसपछि क्रमश: पाकिस्तान, माल्दिभ्स, बंगलादेश र श्रीलंका रहेका छन् ।
डिसइन्फो ल्याबको अब्युज-ओ-मिटरका अनुसार राजनीतिज्ञहरुमा भारतमा प्रियंका गान्धी, पाकिस्तानमा मरियम नवाज, माल्दिभ्समा इभा अब्दुल्लालाई सबैभन्दा बढी दुर्व्यवहार गरेको पाइएको ह्यो ।
अन्य सार्क राष्ट्रहरुको तुलनामा नेपालमा दुर्व्यवहार हुने क्रम ८० प्रतिशत कम भएको पाइएको छ ।