Lifestyle Portal
  •   १ कार्तिक २०७८, सोमबार

विमान आकारको लक्जरी ब्याग वास्तविक विमानभन्दा महङ्गोमा बिक्री

२७ चैत्र २०७७, शुक्रबार २२:०७

सीएनएन । लुइ भुटानको विमान आकारको लक्जरी ह्यान्डब्याग ३९ हजार डलर अर्थात नेपालको ४६ लाख रुपैँयाभन्दा धेरैमा बिक्री भएको छ । सो रकममा वास्तविक उड्ने विमान नै खरिद गर्न सकिने बताइएको छ ।

लुइ भुटानको लक्जरी डिजाइन हाउसले यसअघि भ्रमणमा आधारित कलेक्सन सार्वजानिक गर्दा यसलाई पनि समावेश गराएको थियो । अहिले यो अधिक महङ्गो ब्याग ‘विमान जसरी उड्न पनि सक्छ ?’ भनेर सामाजिक सञ्जालमा व्यंग्यात्मक प्रतिक्रिया आइरहेको छ । एक ट्विटर प्रयोगकर्ताले लेखेका छन्, “त्यहाँ राखिएका सामानहरु भेट्टाउन सकिएला त ? च्यापस्टिक कता छ ? तपाईँले ककपिटमा खोज्नुभयो ?”

लुइ भुटानको लोगो भएको यो ब्याग सैन्य विमान जस्तो देखिन्छ । यस किसिमको उत्पादन चर्चित हलिउड सेलिब्रेटी लेडी गागा अथवा कार्डी बीका लागि उत्साहजनक हुन सक्ने पनि बताइएको छ ।

यसलाई ‘मेन्स आर्टिस्टिक डिरेक्टर’ भर्जिल एब्लोहले बनाएका हुन् । जसले यसअघि ‘डिजाइन भनेको अहिलेको सबैभन्दा नयाँ स्क्याम हो’ भन्ने विवादास्पद ट्विट गरेपछि डिलिट गरिदिएका थिए ।

फेशनलाई फलो गर्ने कतिपयले यो डिजाइनलाई अत्यन्तै आकर्षक भनेर टिप्पणी गरेका छन् । तर, अधिकांशले यसको मूल्य अत्याधिक भएको गुनासो गरेका छन् ।

प्रतिक्रिया दिनुहोस !
Loading comments...
सम्बन्धित खबरहरु

काठमाण्डौ । काठमाण्डौ महानगरपालिकाभित्रका स्वास्थ्य मापदण्ड पूरा गरेका विद्यालयले १० असोजदेखि भौतिक रूपमा विद्यार्थीलाई उपस्थित गराएर पठनपाठन गर्ने सक्ने भएका

काठमाडौंः सरकारले विदेशी पर्यटकका लागि क्वारेन्टिनको व्यवस्था हटाएको छ। कोरोनाको विरुद्धको भ्याक्सिन लगाइसकेका पर्यटकका लागि सरकारले क्वारेन्टिन बस्नु पर्ने नियम

काठमाण्डौ । मुलुक बजेटविहीन हुने निश्चित भएको छ । सरकारले ल्याएको प्रतिस्थापन विधेयक संसदमा विचाराधीन रहेको र र अघिल्लो सरकारले

भूमिका तिमल्सिना/काठमाण्डौ । दशैं नजिकिँदै गर्दा खाद्य व्यवस्था तथा व्यापार कम्पनीले उपत्यकाका लागि खसीबोका तथा च्यांग्रा ल्याउने तयारी थालेको छ