Lifestyle Portal
  •   १३ जेष्ठ २०७९, शुक्रबार

राष्ट्रपतिले बाँडेको विभूषणमा ‘चुच्‍चे नक्सा’ नभएकोबारे के भन्छ गृह मन्त्रालय ?

२८ चैत्र २०७७, शनिबार २१:३९

काठमाडौं । राष्ट्रपति विद्यादेवी भण्डारीले शुक्रबार राष्ट्रिय जीवनका विभिन्‍न क्षेत्रमा उल्लेखनीय योगदान पुर्‍याउने व्यक्तिलाई सम्मान गर्दै प्रदान गरेको विभूषणमा नेपालको ‘चुच्‍चे नक्सा’ नभएको भन्दै आलोचना भएपछि गृहमन्त्रालयले स्पष्टिकरण दिएको छ ।

गृह मन्त्रालयले शनिबार एक विज्ञप्ति जारी गर्दै नेपालको वर्तमान राजनीतिक तथा प्रशासनिक नक्सा लागू हुनुअघि घोषणा भई कोभिड–१९ का कारण वितरण हुन नसकेको विभूषणमात्रै यसपटक सुशोभन गरिएको स्पष्ट पारेको छ ।

सुशोभन भएको विभूषणमा अंकित नेपालको नक्साका सम्बन्धमा केही सञ्चारमाध्यममा आएको समाचारप्रति गम्भीर ध्यानाकर्षण भएको जनाउँदै मन्त्रालयले घोषणाको तयारी र वितरणको प्रस्तावित समय रहेका बेलाको नेपालको आधिकारिक नक्सा नै विभूषणमा अंकित भएको मन्त्रालयले जनाएको छ ।

राष्ट्रिय जीवनका विभिन्न क्षेत्रमा उल्लेखनीय योगदान पुर्याउने व्यक्तिलाई विसं २०७६ असोज ३ गते संविधान दिवसका अवसरमा घोषणा भई २०७७ वैशाख १ मा वितरणको लागि तयारी गरिएको भए पनि कोभिड–१९ का कारण २०७७ वैशाख १ मा वितरण हुन सम्भव नभएकाले हालै मात्र उक्त सुशोभन भएको मन्त्रालयले शनिबार जारी गरेको विज्ञप्तिमा जनाइएको छ ।

राष्ट्रपति विद्यादेवी भण्डारीले शुक्रबार प्रदान गरेको विभूषणमा लिम्पियाधुरा तथा लिपुलेक समावेश नभएको र पुरानै नक्सा रहेको भन्दै आलोचना भएको थियो ।

प्रतिक्रिया दिनुहोस !
सम्बन्धित खबरहरु

स्थानीय तह निर्वाचन २०७९ मा ६८ हजार ६१२ मत प्राप्त गरेर भारी मतान्तरले उपमेयरमा बिजयी भएकी नेकपा एमालेकी सुनिता डंगोलले

काठमाडौं । देशको राजधानी काठमाडौं महानगरपालिकाले मेयरको रुपमा लौरो चिन्ह प्राप्त गरी स्वतन्त्र उम्मेदवारी दिएका बालेन्द्र साह (बालेन)लाई मेयरको रुपमा

स्वामी विवेकानन्द सांस्कृतिक केन्द्र, काठमाडौं र राष्ट्रिय साहित्य प्रतिष्ठानको संयुक्त आयोजनामा भारतीय कवि नरेश शांण्डिल्यको स्वागत सम्मान तथा नेपाल-भारत कविता

विवेकशील साझा पार्टिको अध्यक्ष पदबाट रविन्द्र मिश्रले राजिनामा दिनुभएको छ । आज सामाजिक सञ्जालमा प्रेस विज्ञप्ती जारी गर्दै मिश्रले राजिनामा