माग्ने बुढा र म ‘टु–इन–वान’ : दीपकराज गिरी

काठमाडौं । हास्य कलाकार दीपकराज गिरीले केदार घिमिरे (माग्ने बुढा)लाई नाम अनुसारको स्वाभाव नभएको बताएका छन् । नाम माग्ने बुढा भए पनि प्रायः मलाइ यस्तो चाहियो भनेर कहिल्यै नमाग्ने स्वाभाव रहेको भन्दै दीपकले ‘अरूका पोल्टामा यति पर्यो मलाई पनि चाहियो भनेर माग्ने स्वाभाव केदारमा नरहेको बताएका छन् ।

“हरेक वर्ष केही लेख्नु पर्छ । तर, शब्दहरू सकिँदैनन् । किनकी हाम्रो सहयात्रा लगभग एक दशक लामो भइसकेको छ । आरोह, अबरोह, गतिरोधका ज्वारभाटाहरू नझेलेका पनि होइनौं । तर, हाम्रो मित्रता र सहयात्राको रथले आफ्नो गति कहिल्यै छाडेन । पेशामा हुने अस्वस्थ प्रतिस्पर्धाका हावाहरूले हाम्रो मित्रताको बृक्षका हाँगाहरू कहिल्यै हल्लाउन सकेनन्,” केदारको जन्मदिनको अवसरमा शुभकामना दिँदै दीपक लेख्छन्, “वाह्य दूषित हल्ला र ध्वनि प्रदूषणले मित्रताको स्वास्थ्यमा पनि असर गरेन । चलचित्रका पर्दामा मेरो साथी । र ब्यक्तिगत रूपमा मेरो भाइको रूपमा भगवानले दिएको टु–इन–वान उपहार हो । आज यही प्रिय पात्रको जन्मदिनको उपलक्ष्यमा मुरी–मुरी शुभकामना !”

दीपक र केदार लामो समयदेखि चलचित्रमा सहकार्य गर्दै आएका छन् ।