केन्द्रीय कार्यसमिति बैठकका एजेन्डा तय गर्न कांग्रेस पदाधिकारी बैठक सुरु
२९ चैत्र २०७७, आईतवार १७:०६
काठमाडौं । नेपाली कांग्रेसको पदाधिकारी बैठक सुरु भएको छ । सोमबार बस्न लागेको केन्द्रीय कार्यसमिति बैठकका एजेन्डाहरु तय गर्न कांग्रेसको पदाधिकारी बैठक सुरु भएको हो ।
पार्टी केन्द्रीय कार्यालय सानेपामा जारी बैठकमा पूर्वपदाधिकारीहरु पनि सहभागी छन् । यद्यपि, बैठकमा सभापति शेरबहादुर देउवा र वरिष्ठ नेता रामचन्द्र पौडेल भने सहभागि छैनन् ।
सभापति देउवा कार्यव्यस्तता र पौडेल उपत्यका बाहिर रहेका कारण बैठकमा उपस्थित हुन नसकेका बताइएको छ ।
बैठकमा उपसभापतिद्वय विमलेन्द्र निधि र विजयकुमार गच्छेदार, महामन्त्रीद्वय डा. शशांक कोइराला र पूर्णबहादुर खड्का, सहमहान्त्री प्रकाशशरण महत र कोषाध्यक्ष सीतादेवी यादवको उपस्थिति छ ।
यस्तै बैठकमा पूर्वमहामन्त्रीद्वय कृष्णप्रसाद सिटौला र प्रकाशमान सिंह, पूर्वसहमहामन्त्री अर्जुनरसिंह केसी, केन्द्रीय सदस्यहरु एनपी साउद, डा. मिनेन्द्र रिजाललगायतका नेताहरु पनि सहभागी छन् ।
