Lifestyle Portal
  •   २५ बैशाख २०७८, शनिबार

कोरोना संक्रमणको दोस्रो डोज खोप वैशाख ७ गतेदेखि लगाइने, कसलाई कहिले ?

३१ चैत्र २०७७, मंगलवार १५:०१

काठमाडौं । कोरोना भाइरसको संक्रमणविरुद्धको पहिलो डोज खोप लगाएकाहरुलाई वैशाख ७ गतेदेखि ११ गतेसम्म दोस्रो डोज खोप लगाइने भएको छ । नेपालमा पहिलो माघ १४ गतेदेखि कोरोना भाइरसविरुद्धको पहिलो डोज खोप लगाउन सुरु गरिएको थियो ।

नेपालमा भारतबाट ल्याइएको ‘कोभिशिल्ड’ खोपको पहिलो डोज खोप माघ १४ गतेदेखि फागुन १० गतेसम्म लगाइएको थियो । पहिलो चरणमा स्वास्थ्यकर्मी, सरकारी कर्मचारी, सुरक्षाकर्मी, सरसफाइकर्मी, पत्रकार, कूटनीतिक नियोगका कूटनीतिज्ञ तथा कर्मचारी, सार्वजनिक संस्थान तथा बैंक तथा वित्तिय संस्थानका कर्मचारीहरुलाई खोप लगाइएको थियो ।

पहिलो चरणअन्तर्गत माघ १४, १५, १६, १७ र २६ गतेसम्म खोप लगाएकाहरुलाई वैशाख ७ गते खोप लगाइने छ भने माघ १८, १९, २०, २१ र २७ गते पहिलो डोज लगाएकाहरुलाई दोस्रो डोज खोप वैशाख ८ गते लगाइने भएको छ ।

त्यसैगरि माघ २२, २३, २४, २८ र फागुन २ गते खोप लगाएकाहरुलाई वैशाख ९ गते दोस्रो डोज खोप लगाइने छ भने माघ २९, फागुन ३, ४ र ६ गते पहिलो डोज लगाएकाहरुलाई वैशाख १० गते दोस्रो डोज खोप लगाइने छ ।

माघ ३० र फागुन ७, ८, ९ र १० गते पहिलो डोज खोप लगाएकाहरुलाई वैशाख ११ गते दोस्रो डोज खोप लगाइने जनाइएको छ । दोस्रो डोज खोप त्रिवि शिक्षण अस्पताल, सहिद गंगाला राष्ट्रिय हृदय केन्द्र, विरेन्द्र अस्पताल, नेपाल सशस्त्र प्रहरी अस्पताल, नेपाल प्रहरी अस्पताल, ओम हस्पिटल एन्ड रिसर्च सेन्टरलगायतमा अस्पतालमा बिहान १० देखि ४ बजेसम्म खोप लगाइने छ ।

प्रतिक्रिया दिनुहोस !
Loading comments...
सम्बन्धित खबरहरु

गलकोट । बागलुङ जिल्लाको बडिगाड गाउँपालिका–४ जलजलाका २५ जनामा शुक्रबार एकैसाथ कोरोना पुष्टि भएको छ । उनीहरु सबै विवाह भोजमा

जावलाखेल ग्रुप अफ इन्डस्ट्रिजका संस्थापक अध्यक्ष विजयकुमार शाहले कोभिड-१९ विरुद्ध लड्न काभ्रेस्थित धुलिखेल अस्पताललाई एक करोड ३५ लाख रुपैयाँ दिने

काठमाडौं । स्वास्थ्य तथा जनसङ्ख्या मन्त्रालयले खाली प्राणवायु (अक्सिजन) को खाली सिलिन्डर अस्पताललाई उपलब्ध गराउन आह्वान गरेको छ । मन्त्रालयको

काठमाडौं। कोरोना महामारीका क्रममा संक्रमितहरुले जथाभावी औषधि प्रयोग गर्न नहुने स्वास्थ्य तथा जनसंख्या मन्त्रालयले चेतावनी दिएको छ। मन्त्रालयले बिहीबार एक